Jeke tulǵalar úshin ósimpuldy esepten shyǵarý boıynsha salyqtyq raqymshylyq Qazaqstan Respýblıkasynyń 2020 jylǵy 2 shildedegi Zańyna sáıkes júrgizildi.
Esepten shyǵarýdyń basty sharty salyq boıynsha negizgi qaryz somasyn tóleý boldy.
О́simpuldy esepten shyǵarý úshin eshqaıda barýdyń qajeti joq edi. Qaryzdyń negizgi somasyn tóleý jetkilikti boldy jáne ósimpul avtomatty túrde esepten shyǵaryldy.
Máselen, 2020 jylǵy 1 qańtardaǵy jaǵdaı boıynsha 21 697 164 206 teńge negizgi qaryzy jáne 4 254 324 271 teńge mólsherinde ósimpul somasy bar
1 513 879 azamattyń salyqtyq raqymshylyqqa qatysýǵa quqyǵy bar bolatyn.
Jyl qorytyndysy boıynsha ósimpuldy esepten shyǵarý sharasyn 1 057 764 azamat (70%) paıdalandy, olar boıynsha 14 849 385 721 teńge (68%) mólsherinde negizgi borysh somasy tólendi jáne 2 050 503 348 teńge (48%) somasynda ósimpul esepten shyǵaryldy.
Memlekettik kirister komıtetimen ósimpuldardy esepten shyǵarý boıynsha aksııa qorytyndysy boıynsha 1 mln.astam azamattyń 2 mlrd teńge qaryzyn esepten shyǵardy.
Memlekettik kirister komıteti 2020 jylǵy salyqtyq raqymshylyqty paıdalanǵandardyń sany boıynsha nátıjeler 2019 jylǵy ótken salyqtyq raqymshylyqtyń nátıjelerinen asyp túskenin atap ótedi (2020 jyly 1,1 mln.azamat, 2019 jyly 755,7 myń azamat nemese 300,0 myń azamatqa kóp).
