Atap aıtqanda, merekelik kúnderdiń tizbesin mynadaı mazmundaǵy tarmaqpen tolyqtyrý usynylady.
Iаǵnı «Memlekettik organdardyń arnaıy maqsattaǵy bólimsheleri áskerı qyzmetshisiniń, qyzmetkeriniń kúni – 9 maýsym» dep bekitildi. IIM ókiliniń aıtýynsha, qazirgi ýaqytta arnaıy maqsattaǵy bólimsheler UQK, MKQ, Qorǵanys mınıstrligi jáne IIM sııaqty memlekettik organdarda bar.
«Bul máseleniń oń sheshimi − qyzmet ozattary men ardagerlerine qurmet kórsetip, sondaı-aq jyldar boıy qalyptasqan sabaqtastyq dástúrlerin resmı túrde bekitedi. Sonymen qatar óskeleń urpaqty áskerı-patrıottyq tárbıeleýge, rýhanı jáne adamgershilik qundylyqtar men áskerı dástúrlerdi urpaqtan-urpaqqa berýge yqpal etetin bolady», dep sanaıdy vedomstvo ókili.
9 maýsym − Elbasynyń Qazaqstan Respýblıkasy Qaýipsizdik Keńesi janyndaǵy Memlekettik organdardyń arnaıy maqsattaǵy bólimsheleriniń úılestirý keńesin qurý týraly sheshimine qol qoıǵanyna sáıkes estelik retinde tańdalǵan.
Aıtolqyn MYRZAKARIM
