Oblystyq qylmystyq-atqarý júıesi departamenti probasııa qyzmeti bóliminiń ınspektory Jarqynaı Baqtııarovanyń málimetine súıensek, Isataı aýdanyndaǵy Janbaı aýylynyń 14 turǵyny QR Qylmystyq Kodekstiń 339-babynyń 1-bóligimen (О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sottalǵan eken.
«Sot olardy jazany óteý kezinde ishinde jyl saıyn júz saǵattan májbúrli eńbekke tartýmen ár túrli merzimge bas bostandyǵyn shekteýge úkim shyǵardy. Zańǵa sáıkes bas bostandyǵyn shekteýge sottalǵan adamnyń jazasy turǵylyqty jeri boıynsha qoǵamnan oqshaýlaýsyz óteledi. Májbúrli eńbekke tartýdy jergilikti atqarýshy organdar (ákimdikter) uıymdastyrady», deıdi Jarqynaı Baqtııarova.
Qazir Janbaı aýylynyń 14 turǵyny kúnine 4 saǵat kóshe tazalaıdy.
