Bólimshelerdi jalpy basqarýdy tórtinshi qurama bitimgershilik rotasynyń komandıri maıor Janat Birbalanov júzege asyrdy. Basqarý jáne úılestirý rota shtabynyń baılanys quraldary arqyly júrgizildi.
«Biz alty aı boıy BUU-nyń Bas shtaby Lıvanda da, Úndistan tarapy ótkizgen barlyq jattyǵýlar men oqý-jattyǵýlarǵa udaıy qatystyq. Qazaqstandyq bitimgerler joǵary daıarlyq deńgeıi men kásibı sheberlikterin kórsetti. Bul jóninde «Lıvandaǵy BUU-nyń ýaqytsha kúshteri» Bas shtabynyń basshylyǵy atap ótti. Atalǵan jattyǵýlar qazaqstandyq áskerı qyzmetshilerdiń jaýyngerlik ázirligi udaıy joǵary deńgeıde ekenin taǵy da kórsetti», dedi Janat Birbalanov.
Bitimgerler tań sáriden oqý dabylymen kóterildi. Oqý-jattyǵýdyń ssenarııi boıynsha Qazaqstandyq-Úndistan bazasyn alys emes jerde qoldan jasalǵan jarylǵysh zat tabyldy. Kezekshi aýysym kezekshilik barysyn uıymdastyryp, bolǵan jaǵdaıdy rota shtabyna habarlady. Oqıǵa ornyna jetken fransýz áskerı qyzmetshileri mınalardan tazartýǵa kiristi. Bul oqıǵa týraly halyqaralyq áskerı polısııaǵa jáne Lıvan áskerine baıandady. Nátıjesinde beıbit turǵyndardy yqtımal qaýipten qorǵaý úshin qorshaý uıymdastyryldy, joldar jabyldy.
Jedel den qoıý toptary túrli dabyldardy alǵan kezeńdi, kezekshi bólimshelerdiń bazaǵa jaqyn jerde qoldan jasalǵan jarylǵysh zatty anyqtaǵan sátin, sondaı-aq zardap shekkenderge alǵashqy medısınalyq kómek kórsetý tártibin pysyqtady.
Qazaqstandyq áskerı qyzmetshiler Úndistan áskerı qyzmetshilerimen birlesip is-qımyldardy pysyqtady. Mıssııaǵa qatysqan ýaqyt aralyǵynda olar ár qıly mindetterdi oryndaý máselelerinde ózara is-qımyldy rettedi.
Mıssııa shtabynyń ókilderi men baılanystyrýshylar qazaqstandyq bitimgershilik kontıngentiniń senimdi, batyl jáne kásibı is-qımyldaryn atap ótti.
Qazaqstandyq bólimshelerdiń shynaıy jaǵdaıdaǵy is-qımylǵa daıarlyǵyn arttyrýda aptalyq jattyǵýlardyń, aı saıyn ótetin «Blue porcupine» taktıkalyq oqý-jattyǵýlarynyń jáne qoldan jasalǵan jarylǵysh zattardy anyqtaýdaǵy is-qımyl algorıtmi jónindegi sabaqtardyń mańyzyn atap ótken jón.
