Ortalyq ashylǵaly beri turǵyndardan 66 006 ótinish kelip túsken. Onyń ishinde 64 578 ótinishke tıisinshe jaýap berilse, 1 428 aryz-shaǵym qaralý ústinde.
A. Ámirtaevtyń sózinshe turǵyndardan kelgen usynys pen ótinishterdiń 24,7% qoǵamdyq kólik, 10,33% jol ınfraqurylymy, 8,57% jumyspen qamtý jáne áleýmettik qorǵaý máseleleri, 8,05% qatty turmystyq qaldyqtar, 4,7% densaýlyq saqtaý máseleleri jáne 4,1% kóshe jaryǵy boıynsha tirkelgen.
Qyzmet kórsetý aıasyn keńeıtý maqsatynda ótken jyly ortalyqqa qoǵamdyq kólikke qatysty kez-kelgen suraqtar boıynsha habarlasý múmkindigi qosylǵan bolatyn. Osy kúnge deıin qoǵamdyq kólik qozǵalysyn baqylaý boıynsha – 6 845, «Tólem» júıesine qatysty – 8 923 qońyraý kelip túsken.
Qala ákimi Murat Dúısenbekuly ortylyq jumysyna oń baǵasyn berip, qabyldanǵan ótinishterdiń ýaqytyly ári ońtaıly sheshilýin tapsyrdy.
