Jaqynda Qazaqstan Respýblıkasy Syrtqy ister mınıstriniń birinshi orynbasary, EKSPO-2017 kórmesiniń komıssary Rápil Joshybaev bastaǵan qazaqstandyq delegasııa jumys saparymen Malaızııada bolyp qaıtty, dep habarlady QR SIM-iniń baspasóz qyzmeti.
Jaqynda Qazaqstan Respýblıkasy Syrtqy ister mınıstriniń birinshi orynbasary, EKSPO-2017 kórmesiniń komıssary Rápil Joshybaev bastaǵan qazaqstandyq delegasııa jumys saparymen Malaızııada bolyp qaıtty, dep habarlady QR SIM-iniń baspasóz qyzmeti.
Sapar sheńberinde Malaızııa Ishki ister mınıstriniń orynbasary Dato Van Jafarmen, Premer-mınıstrdiń keńesshisi Shahrızat Abdýl Jalılmen, Qurylys ındýstrııasyn damytý jónindegi keńestiń dırektory Dato Jýddın Abdýl Karımmen, Syrtqy saýdany damytý jónindegi memlekettik korporasııanyń dırektory Dato Vong Laı Sammen, sondaı-aq, Syrtqy ister, Indýstrııa jáne halyqaralyq saýda mınıstrlikteriniń ókilderimen jáne memlekettik-jekemenshik áriptestik kásiporyndary basshylarymen kezdesýler ótti.
Kezdesý barysynda ekijaqty saıası jáne saýda-ekonomıkalyq yntymaqtastyqtyń, sondaı-aq, qaýipsizdikti qamtamasyz etý, týrızmdi damytý salalaryndaǵy ózara is-qımyldyń perspektıvalary, EKSPO-2017 aıasynda birlesken jobalardy júzege asyrý úshin jetekshi tehnologııalardy paıdalaný máseleleri talqylandy.
Qazaqstandyq delegasııa saparyndaǵy mańyzdy baǵdarlamanyń biri ulttyq qaýipsizdik salasynda shekaralyq jáne kóshi-qon úderisterine baqylaý júrgizetin júıe shyǵaratyn jetekshi Malaızııa kompanııasy basshylyǵymen kelissózder boldy. Atap aıtqanda, atalǵan júıe memlekettik shekara arqyly ótken kezde tólqujattyq baqylaýdy tekserý ýaqytyn aıtarlyqtaı qysqartýǵa, sheteldik azamattardyń kelýine monıtorıng júrgizýdi kúsheıtýge jáne elektrondy vızalar engizý jolymen vızalyq prosedýralardy ońtaılandyrýǵa, t.b. múmkindik beredi.
Kezdesý qorytyndylary boıynsha, Qazaqstan tarapy Malaızııanyń bul saladaǵy tájirıbesin úırenýge qyzyǵýshylyq tanytyp, atalǵan júıeni Qazaqstan Respýblıkasynyń qaýipsizdigi paıdasyna qoldaný múmkindigin qarastyratynyn bildirdi.
