Bul týraly óńirlik kommýnıkasııalar qyzmetinde ShQO Qorǵanys isteri jónindegi departamenti bastyǵynyń orynbasary Erkesh Bekbaevtyń qatysýymen ótken brıfıngte aıtyldy. Mamandardyń aıtýynsha 18-27 jas aralyǵyndaǵy densaýlyq jaǵdaıy boıynsha jaramdy jáne merzimdi áskerı qyzmetke shaqyrýdy zańdy túrde keıinge qaldyrmaǵan er adamdar áskerge shaqyrylady.
2021 jyly kóktemgi áskerge shaqyrý naýqany 1 naýryzdan bastalyp, 31 maýsymǵa deıin jalǵasady. Medısınalyq kýálandyrý men azamattardy komandalarǵa irikteý is-sharalary oblystyq jınaý pýnktinde sanıtarlyq normalardy saqtaı otyryp júrgiziledi.
Budan basqa, 2021 jylǵy qańtar-naýryz aralyǵynda ShQO aýmaǵynda 2004 jyly týǵan azamattardy, sondaı-aq jasy úlken, biraq áli kúnge deıin prosedýradan ótpegen azamattardy áskerı esepke tirkeý jumystary júrip jatyr. 2020 jyly 6500 adam áskerı esepke tirkeýge alyndy. Jastardy tirkeý kezinde densaýlyq jaǵdaıy men áskerı qyzmetke jaramdylyǵy, jalpy bilim deńgeıi men mamandyǵy tekseriledi. Sondaı-aq, dene daıarlyǵynyń deńgeıi anyqtalady.
