Avtordyń aıtýynsha, adamdardy COVID-19-ǵa qarsy vaksınasııalaýǵa májbúr etý úshin Almaty men Almaty oblysynyń dárihanalarynan birqatar dári-dármekti satylymnan alyp tastaý týraly «joǵarydan buıryq kelip túsken». Bul jalǵan.
Densaýlyq saqtaý mınıstrligi bul aqparatty joqqa shyǵardy. Vedomstvonyń habarlaýynsha, dárihanalar men aýrýhanalarda birqatar dári-dármektiń, sonyń ishinde vırýsqa qarsy jáne qyzýdy tómendetetin preparattardyń bolýy apta saıyn tekseriledi.
– Búgingi tańda koronavırýstyq ınfeksııany emdeýge qajetti preparattar qalanyń barlyq dárihanalarynda bar. Qamtamasyz etý shamamen 90%-ti quraıdy. Dárihana qoımalarynda 1 mıllıonnan astam (1 037 myń) qajetti preparat bar. Sonymen qatar, naryqty qanyqtyrý úshin turaqtandyrý qorynyń qarajaty esebinen qalanyń dárihanalaryna dárilik preparattardy jetkizý jalǵasýda, búginde ol Almaty úshin shamamen 5 mlrd teńgeni quraıdy. Qazirgi kezde Almatyǵa ákelýge josparlanǵan 40,1 mln dárilik zattar men medısınalyq maqsattaǵy buıymdardyń 47,2 mln (118%) ákelindi. 23,4 mln teńgeniń preparattary satyldy. Quny 23,8 mln teńgelik dári qolda bar, onyń ishinde tómendetilmeıtin qaldyq 8 mln quraıdy. Osylaısha qalada eki aılyq beriktik qory qalyptastyryldy, dep habarlady mınıstrliktiń baspasóz qyzmetinen.
Sondaı-aq Almaty qalasynyń jáne oblystyq dárihanalarda medısınalyq maskalar men termometrler jetkilikti. Sonymen qatar vedomstvo búgingi tańda dári-dármek pen jeke qorǵanys quraldaryna joǵary suranys joq ekenin atap ótti.
