Máselen jaqynda oblystyq dene shynyqtyrý jáne sportty damytý ortalyǵynyń alǵashqy áskerı jáne tehnologııalyq daıyndyq basqarmasy «Áskerı robototehnıka» jáne «Qarý-jaraqtyń, áskerı tehnıkanyń úlgileri» atalatyn saıys ótkizdi. Oǵan óńirdegi bilim berý mekemeleriniń áskerı-patrıottyq klýbtary men «Jas sarbaz» synyptarynan 32 tárbıelenýshi qatysty.
«Baıqaý qatysýshylary robototehnıka, 3D modeldeý jáne shemotehnıka kýrstaryn qashyqtan oqyp júr. Olardyń arasynda bolashaqta elimizdiń qorǵanys ónerkásibine úles qosatyndar bar ekenine senimdimin», - deıdi «Jas sarbaz» balalar men jasóspirimder áskerı-patrıottyq qozǵalysyoblystyq fılıalynyń jetekshisi Nurlan Eleýov.
Saıys qorytyndysynda S.Muqashev Atyraý polıtehnıkalyq joǵary kolledjiniń stýdentteri Temirlan Nuptollaev pen Elaman Janatbek «Robototehnıka» nomınasııasynda úzdik dep tanyldy. Olar «M-939» júk tasymaldaý jabdyqtarynyń modelin qurastyrdy.
Al «Qarý-jaraq pen áskerı tehnıkanyń úlgileri» atalymynda Jylyoı aýdanyndaǵy «Jas tehnıkter»stansııasynyń tárbıelenýshisi Jumash Dastan úzdik atandy.
