Agenttiktiń apparat basshysy Q.Japaqovtyń moderatorlyǵymen qujatty talqylaýǵa eldegi jemqorlyqty joıýǵa jáne qoǵamda parasattylyq mádenıetin qalyptastyrýǵa belsendi járdemdesýge múddeli úkimettik emes uıymdardyń ókilderi qatysty.
Olardyń arasynda «JAŃARÝ» sybaılas jemqorlyqqa qarsy jalpyulttyq qozǵalysy, Birinshi sybaılas jemqorlyqqa qarsy medıa-ortalyq, Qazaqstannyń Azamattyq Alıansy, Qazaqstandaǵy parlamentarızmdi damytý qory, «Atameken» Ulttyq Kásipkerler Palatasy, «Fakt» quqyqtyq aqparat jáne jýrnalıstik tergeý bıýrosy, «Ádildik joly» QB, Jas zańgerler palatasy, Agenttik janyndaǵy arnaıy monıtorıng toby, Qoǵamdyq keńesi, Ardagerler keńesi men ǵylymı sarapshylar keńesi bar.
Strategııa jáne jedel basqarý departamentiniń dırektory N.Jaqsymbetov qujatty tanystyra otyryp, onda ýákiletti organnyń, basqa da memlekettik organdardyń, qoǵamdyq birlestikter men kvazımemlekettik sektor sýbektileriniń sybaılas jemqorlyqqa qarsy is-qımylǵa qosqan úlesi qamtylǵanyn atap ótti.
Sybaılas jemqorlyqqa qarsy aǵartý, onyń aldyn alý, qoǵammen seriktestik, jaýapkershiliktiń bultartpastyǵy jóninde qabyldanǵan zańnamalyq jáne praktıkalyq sharalar, sondaı-aq BUU Sybaılas jemqorlyqqa qarsy konvensııasynyń erejelerin, Eýropa Keńesiniń (GRECO) basshylyq qaǵıdattaryn jáne EYDU usynymdaryn eskere otyryp, sybaılas jemqorlyqqa qarsy saıasatty odan ári jetildirý jóninde usynystar berildi.
COVID-19 pandemııasymen kúres jónindegi sharalarǵa baılanysty jemqorlyq qylmystarynyń aldyn alý týraly aqparatqa erekshe nazar aýdaryldy. Sondaı-aq Qazaqstanda sybaılas jemqorlyqty qabyldaý deńgeıin táýelsiz baǵalaý qorytyndylary kórsetildi.
Sybaılas jemqorlyqqa qarsy is-qımyl jónindegi júıeli sharalardyń, úkimettik emes sektordyń belsendi qatysýynyń arqasynda, COVID-19 pandemııasynyń jaǵymsyz áserine qaramastan, Qazaqstan Transparency International sybaılas jemqorlyqty qabyldaý ındeksinde (CPI) 2020 jyly alǵash ret 38 ball jınady, bul 19 pozısııaǵa joǵary kóterilýge jáne 180 eldiń arasynda 94-oryndy ıelenýge múmkindik berdi.
Tanystyrylymnan keıin kezdesýge qatysýshylar sońǵy jyldarda sybaılas jemqorlyqqa qarsy saıasattaǵy eleýli oń ózgeristerdi atap ótip, Ulttyq baıandama jobasyn pysyqtaý boıynsha syndarly usynystar engizdi.
Atap aıtqanda, «JAŃARÝ» sybaılas jemqorlyqqa qarsy jalpyulttyq qozǵalysy» RQB Ortalyq apparatynyń basshysy jobany óńirlik áleýmettik zertteýlermen jáne sybaılas jemqorlyqqa qarsy saıasattyń eldiń áleýmettik-ekonomıkalyq damýyna áserin baǵalaýmen tolyqtyrýdy usyndy.
Qazaqstannyń Azamattyq alıansynyń dırektory Á.Tájibaev sybaılas jemqorlyqqa qarsy aǵartýdy medıa-keńistikte keńinen jáne naqty taratýdyń mańyzdylyǵyn atap ótti.
«Ádildik joly» RQB atqarýshy dırektory M.Aıtmaǵanbet mobıldik memlekettik qyzmetterdi keńeıtýdi jyldamdatý qajettigine nazar aýdardy.
Agenttik janyndaǵy Ǵylymı sarapshylar keńesiniń jetekshisi, Ulybrıtanııadaǵy qazaqstandyq PhD doktorlary qaýymdastyǵynyń prezıdenti A.Sembaeva ózge baıandamashylarmen qatar jemqorlyqqa qarsy tájirıbedegi ǵylymı negizdelgen kózqarastyń mańyzdylyǵyn atap ótti.
Sybaılas jemqorlyqqa qarsy jobalar jónindegi Basqarýshy komıtettiń basshysy J.Taıjanova jobalyq menedjment aıasynda sybaılas jemqorlyqqa qarsy saıasattyń ǵylymı negizin qurý qajettiligine qatysty áriptesterin qoldady.
«TALAP» qoldanbaly zertteýler ortalyǵynyń taldaýshysy vedomstvoaralyq sybaılas jemqorlyqqa qarsy reıtıngti engizýdi, sondaı-aq statıstıkalyq derekterdiń senimdiligi men praktıkalyq qundylyǵyn arttyrýdy usyndy.
Jalpy, joba úkimettik emes uıymdar tarapynan qoldaýǵa ıe boldy, ortaq maqsatqa – qoǵamda sybaılas jemqorlyqty qubylys retinde joıýǵa qol jetkizý úshin ózara is-qımyldy odan ári nyǵaıtý qajettiligi týraly ortaq pikirge toqtaldy.
Joba kezdesýge qatysýshylardyń usynystarymen pysyqtalǵannan keıin Memleket basshysyna jonldanady jáne maquldanǵan jaǵdaıda BAQ-ta jarııalanady.
