Shara barysynda 4826 qarý ıeci tekserilip, 84 ákimshilik quqyq buzýshylyq anyqtaldy. Qazaqstan Respýblıkasy Ákimshilik quqyq buzýshylyq týraly kodeksiniń 482-babyna (Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy) sáıkes zańsyz aınalymnan 24 dana qarý tárkilendi.
4 aqpan kúni Aıdarly aýylynyń 26 jastaǵy turǵynynyń saraıynan ishki ister organdarynda tirkelmegen, 2 uńǵyly 16 kalıbrli ańshy myltyǵy alyndy. 5 aqpan kúni Qyzylorda qalasyndaǵy jaldamaly páterlerdiń birin tekserý kezinde 28 jastaǵy azamattyń ishki ister organdarynda tirkelmegen 8 mm gazdy tapanshany 8 dana oǵymen birge zańsyz saqtap júrgeni anyqtalǵan.
Sonymen qatar Qazaqstan Respýblıkasy Ákimshilik quqyq buzýshylyq týraly kodeksiniń 484-babyna (Azamattyq, qyzmettik, marapattyq, kolleksııalyq qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, Qazaqstan Respýblıkasynyń aýmaǵyna ákelý, Qazaqstan Respýblıkasynyń aýmaǵynan áketý jáne Qazaqstan Respýblıkasynyń aýmaǵy arqyly tranzıtpen ótkizý tártibin buzý) sáıkes 26 azamatqa, 486-babyna sáıkes (Azamattyq, qyzmettik, marapattyq, kolleksııalyq qarýdy tirkeý (qaıta tirkeý) ne ony esepke qoıý tártibin buzý) 34 azamatqa qatysty ákimshilik shara qoldanyldy.
