«Messendjerler men áleýmettik jelilerde taratylǵan Qazaqstanda zeınet jastyń ózgertilýi týraly aqparat shyndyqqa janaspaıdy. Qoldanystaǵy zańnamaǵa sáıkes erler úshin zeınetkerlik jas - 63 jas, áıelder úshin búgingi tańda – 60 jas jáne odan ári 2027 jylǵa qaraı 63 jasqa deıin birtindep artady. Qazaqstanda belgilengen zeınet jasy halyqaralyq jáne otandyq sarapshylar júrgizgen zertteýlerdiń nátıjeleri men uzaq merzimdi ózekti boljamdarǵa negizdelgen. Eldegi zeınet jasy halyqaralyq tájirıbege jáne álemdegi qalyptasyp otyrǵan ekonomıkalyq jáne demografııalyq jaǵdaıǵa sáıkes keledi. Sondyqtan Qazaqstanda zeınetaqy jasyn ózgertý týraly másele qaralmaıdy. Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz», dep jazylǵan habarlamada.
Bazalyq zeınetaqy zeınet jasyna jetken barlyq azamattarǵa osy júıege qatysý ótiline baılanysty eń tómengi kúnkóris deńgeıiniń 54%-ynan 100%-yna deıingi mólsherde beriledi.
Iаǵnı, azamat neǵurlym uzaq jumys istese, bazalyq zeınetaqysynyń mólsheri soǵurlym joǵary bolady. Bul rette qazirgi ýaqytta zeınetkerlikke erte shyǵý boıynsha jeńildikterge ıe áıelderge ózgeristerdiń qatysy joq. Iаǵnı, 5 jáne odan da kóp bala týǵan (asyrap alǵan) jáne olardy segiz jasqa deıin tárbıelegen áıelder – 53 jas, Semeı ıadrolyq synaq polıgonynyń tótenshe jáne eń joǵary radıasııalyq qater aımaqtarynda 1949 jylǵy 29 tamyz ben 1963 jylǵy 5 shilde aralyǵyndaǵy kezeńde keminde 5 jyl turǵan áıelder – 45 jasta zeınetke shyǵady.
«Sonymen qatar, azamattar BJZQ-da zeınetaqy jınaqtary jetkilikti bolǵan kezde zeınetaqy annýıtetine quqyqty (zeınetaqy jasyna jetkenge deıin zeınetaqy jınaqtarynan zeınetaqy tólemderin alý quqyǵyn) paıdalana alady. Aǵymdaǵy jylǵy 1 qańtardan bastap zeınetaqy annýıteti shartyn jasasý jasy tómendetilip, 45 jasqa tolǵannan bastalady. Bul rette annýıtettik tólemder erler úshin 55 jastan, áıelder úshin – 52 jastan beriledi», dep jazylǵan habarlamada.
