Mýzeı dırektory Rashıda Harıpovanyń aıtýynsha, tandyr nan pisiretin peshtiń tútin júretin arnasynda bútin kúıinde jatqan eken. Qyshtan jasalǵan ydystyń pishini sılındrge uqsaıdy. Túbi saqına tárizdes albarello sarǵysh topyraq tústes syrmen syrlanypty. Bıiktigi – 16,5, erneýiniń dıametri – 7,5, túbiniń dıametri – 5,7 sm. Ydystyń syrty oıýly kompozısııamen kórkemdelip, joǵary jaǵyna tórt japyraqty gúldi frız júrgizilipti. Joǵarǵy bóligi tik syzyqtarmen birneshe sektorǵa bólinip, 20 trapesııadan turady. Sondaı-aq shyrsha tárizdes órnegi de bar.
– Albarello – orta ǵasyrlar men qaıta órleý dáýirinde keń taralǵan dárihanalyq ydystyń bir túri. Bul ydys medısınada kóp qoldanylatyn jaqpa maılar, shópter men túrli dári-dármekti saqtaýǵa arnalǵan. Ony ıtalıandyq tehnologııamen Italııa men Ispanııanyń, Fransııa men Gollandııanyń qalalarynda jasaǵan. Uly Jibek joly boıyndaǵy Saraıshyqqa albarello Qyrymnan ákelingen bolýy múmkin. О́ıtkeni sol kezeńde Qyrym jaǵalaýynda Genýıa kolonııalary bolǵany málim, – deıdi Rashıda Harıpova.
Bul ydystyń Saraıshyq qalashyǵynda jasalýy múmkin be? Bul úshin tarıhı qalashyqtan tabylǵan albarelloǵa ǵylymı zertteý júrgizilýi kerek-aq.
Atyraý oblysy
