«Byltyr memlekettik bıýdjet kirisi boıynsha jospar 2,7, respýblıkalyq bıýdjet 0,3 jáne jergilikti bıýdjet 8,1%-ǵa artyq oryndaldy. Pandemııaǵa qaramastan, memlekettik bıýdjettiń kirisi is júzinde 2019 jylǵy deńgeıde qaldy dep aıtýǵa bolady», dedi ol.
Mınıstrdiń málimdeýinshe, korporatıvtik tabys salyǵy – 3,5, Eýrazııalyq ekonomıkalyq odaqtyń taýarlary boıynsha qosylǵan qun salyǵy – 1,8, eńbekaqy tóleý qorynyń salyǵy – 5,3%-ǵa ulǵaıdy.
«Negizgi kedendik tólemder boıynsha túsim tómendedi. Bul syrtqy jáne ishki ekonomıkalyq ahýalǵa tikeleı baılanysty boldy», dedi Erulan Jamaýbaev.
Onyń aıtýynsha, munaı jáne metall baǵasynyń tómendeýi esebinen taý-ken ónerkásibindegi túsimder 43 jáne ǵylym men tehnıkalyq sektordyń túsimi 29%-ǵa tómendedi.
