Keles APB-niń polısııa qyzmetkerleri tabıǵatty qorǵaýmen oǵan zalal keltirýshilerdi anyqtaý maqsatynda, turaqty reıdtik-profılaktıkalyq is-sharalardy ótkizip keledi. Osy maqsatta júrgizilgen jumys barysynda polıseıler 2021 jyldyń aqpan aıynda birneshe zańsyzdyqtardyń jolyn kesti. Máselen, Keles APB JPQ Tabıǵatty qorǵaý tobynyń ınspektory polısııa kapıtany Janbolat Saparbaev, kúndizgi saǵat 15:30 shamasynda Syrdarııa ózeni boıynda zańsyz ańshylyqpen aınalysyp júrgen úsh er adamdy baıqaıdy.
Tártip saqshysy olardyń qarýlaryn tekserý kezinde zańdy tirkelgeni belgili boldy. Alaıda eshqaısysynyń ańshylyq jasaýǵa ruqsat qaǵazdary bolmaǵan. Osyǵan baılanysty kúdikti 3 er adamǵa qatysty QR ÁQBtK-niń 382-baby (Janýarlar dúnıesin paıdalaný talaptaryn jáne ań aýlaý qaǵıdalalaryn buzý) boıynsha hattama toltyrylyp, 5 AEK aıyppul salyndy.
Odan bólek, polıseıler keshki saǵat 17:00 shamasynda Aqtóbe aýyldyq okrýginiń batys jaǵynan aǵyp ótetin Syrdarııa ózeni boıynda tirkelmegen ańshylyq qarýyn alyp júrgen jergilikti turǵyndy anyqtady. Oǵan qatysty QR ÁQBtK-niń 482-baby (Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy) boıynsha hattama toltyrylyp, jınaqtalǵan is-qujattary Keles aýdandyq sotyna joldanýda.
Sondaı-aq, profılaktıkalyq is-shara kezinde zańsyz balyq aýlaýshylar da anyqtaldy. Iаǵnı úsh jergilikti turǵyn qarmaqpen zańsyz balyq aýlap júrgen. Úsheýine qatysty QR ÁQBtK-niń 383-baby (Balyq aýlaý jáne balyq resýrstary men basqa da sý janýarlaryn qorǵaý qaǵıdalaryn buzý) boıynsha ákimshilik hattama toltyryp, 5 AEK kóleminde aıyppul salynǵan.
О́z kezeginde polıseıler azamattardy tabıǵatty qorǵaý zańnamasyn buzbaýǵa keńes beredi. Brakonerlik úshin qylmystyq jaýapkershilik qarastyrylǵanyn eskertedi. Tártip saqshylary taǵy da Túrkistan oblysynyń turǵyndary men qonaqtaryn Qazaqstan Respýblıkasynyń tabıǵatyn, janýarlar men ósimdikter álemin qorǵaýǵa shaqyrady.
