Jergilikti baspasózdiń habarlaýynsha, avtosalonnyń ıesi Ibragım Ýnverdı óz qyzmetkerine avtokólikti satý boıynsha mámile jasaý úshin 215 myń túrik lırasyn bergen. Alaıda kelesi kúni jumysshysy bastyǵyna qońyraý shalyp, aqshany óz nesıesin tóleýge jumsap tastaǵanyn aıtady.
Ýnverdıdiń aıtýynsha, basqa jumysshylar buǵan deıin ony sol er adamnyń óltirgisi kelgenin aıtqan. Atalǵan maqsatpen qyzmetker koronavırýs juqtyrǵan adamnan bir quty silekeıdi 70 dollarǵa satyp alyp, bastyqtyń shaıyna aralastyrady.
Alaıda Ýnverdı ol shaıdy ishpeı, aýrýdy juqtyrmaǵan. Osydan keıin jumysshysy bastyǵyna "atyp óltiremin" dep qoqań-loqy kórsetti. Bastyǵynyń telefonyna jibergen habarlamanyń birinde: "Men seni vırýspen óltire almadym, al keleside týra basyńnan atamyn" dep jazylǵan.
Aqyrynda avtosalon ıesi polısııaǵa aryzdanyp, nátıjesinde jumysshy qamaýǵa alynady. Er adamǵa kisi óltirýge oqtaldy degen aıyp taǵyldy.
Aıtolqyn MYRZAKARIM
