Kezdesýge Shyǵys Qazaqstan oblysynyń memlekettik sáýlet-qurylys baqylaý basqarmasynyń, qurylys bóliminiń, jylý júıeleriniń jáne ıpotekalyq kompanııanyń ókilderi qatysty.
Kóp qabatty úıde júz alpys eki páter bar. Alaıda otyzǵa jýyǵy áli de bos. Sebebi buǵan deıin qonys toıyn toılaǵan otbasylardyń qýanyshy uzaqqa sozylmady. Kóship kelgen kúnnen bastap turǵyn úı kesheninde olqylyqtar paıda boldy.
«Biz páter ıelerimen únemi baılanystamyz. Qarjylandyrý máselesi sheshilse, jóndeıtin merdiger daıyn. Árbir páterge saraptama jasalady. Olqylyqtardyń ornyn toltyrýǵa bar kúsh-jigerimizdi salatyn bolamyz», - dedi ıpotekalyq kompanııa ókili Renat Nysanov.
Shyǵys Qazaqstan oblysynyń memlekettik sáýlet-qurylys baqylaý basqarmasy ókiliniń sózine súıensek, saraptamalyq-taldaý jumystary aǵymdaǵy jyldyń 5 naýryzynda aıaqtalady.
Sondaı-aq jaýapty sala ókilderi lıft qyzmetin 1-shi, 2-shi podezderin aldaǵy kúnderi, al qalǵan podezderdegi lıft qyzmetin aǵymdaǵy jyldyń 20 aqpanyna deıin iske qosýǵa ýáde etti.
Barlyq sala ókilderiniń atalǵan máselelerdi sheshýi boıynsha ýádeleri jıyn hattamasymen bekitilip, «Shyǵys — Adaldyq alańy» jobalyq keńsesi men «Nur Otan» partııasy janyndaǵy Sybaılas jemqorlyqqa qarsy qoǵamdyq keńes óz baqylaýynda ustaıtyn bolady.
