Alaıaqtyqtyń aldyn alý aksııasy

Tikeleı efır Facebook jáne Instagram jelileriniń vedom­stvolyq paraqshalarynda kórse­tildi. Polıseıler ınternet-alaıaq­tyqtyń túrlerin, jasalý jol­daryn, olardyń keńinen paı­dala­nylatyn aıla-amaldaryn áshkerelep, halyqqa alaıaqtardyń quryǵyna túsip qalmas úshin ne isteý kerektigin túsindirdi. So­ny­men qatar qatysýshylardyń su­raqtaryna jaýap berdi.

Jyl basynan beri óńirimizdegi barlyq alaıaqtyq qylmystardyń sany 70-ke jetse, sonyń ishindegi 60-y ınternet-alaıaqtyq bolypty. Bizdiń: «Polısııa sıfrly tehnologııalardy qoldanyp, azamattarymyzdy aldaý úshin ashylyp jatqan bir kúndik saıttardy nege aldyn ala áshkerelemeıdi. Sol úshin polısııanyń ishinen nege arnaıy qyzmet ashpasqa?» degen suraǵymyzǵa brıfıngte «jedel ýákilderdiń sıfrly tehnologııa­lardy qoldanyp, qashyqtyqtan jasalatyn alaıaqtyqty ashýyna uzaq ýaqyt pen kóp kúsh-jiger jumsaý qajet. Degenmen, ınternet-aferısterdi izdeý, alaıaq­tyqtyń aldyn alý jumysy aýqymd­y túrde júrgizile beredi» degen jaýap berildi.

Qazir Petropavl qalasy polı­sııa basqarmasynyń qyz­met­kerleri qylmystyń bul túri­niń aldyn alý boıynsha keń aýqymdy operasııany bas­tap ketken. PB bastyǵynyń orynbasary, podpolkovnık Dý­man Sabyrjanovtyń aıtýyna qa­raǵanda, aksııaǵa júzden astam polıseı tartylypty. Olardyń bári ákimshilik ýchaskelerdegi aýlalar men kireberisterdi ara­laýda. Tártip saqshylary kire­beristerge jadynamalar japsyryp jáne turǵyndarǵa býkletter úlestiredi. Al alaıaqtyqqa qar­sy turýǵa eń osal top – zeınet­kerlermen túsin­dirme jumys­taryn júrgizýde. «Jadyna­ma­lardyń 10 myń danasy ázir­lendi, profılaktıkalyq ak­sııa­lar barysynda oblys orta­lyǵynyń barlyq shaǵyn aýdan­daryn qamtý josparlanýda. Sol­­­tústikqazaqstandyqtardy áleý­­mettik jelilerde jáne mes­send­­jerler chattarynda ınter­net-alaıaqtyqtyń aldyn alý tý­raly usynymdarymen bóli­sýge shaqyramyz. Jas azamattar krımınaldyń osy túri tý­raly egde tartqan týystary men kórshilerin eskertýi qajet. Internet-alaıaqtarmen baıla­nysqan kezde sheshim qabyldaýǵa asyq­paı, bankke tekserý úshin qońyraý soǵý, qandaı jaǵdaı bolsyn, jeke málimetterdi aıt­paý ne joldamaý mańyzdy eken­digin  halyqtyń esine salýdamyz»,­ deı­di Dýman Sabyrjanov.

Árıne, bul sharalar aldan­ǵanyna jurttyń ózi kináli, jeke derekterin eshkimge aıtpaýlary kerek edi dep qarap otyratyn polısııanyń eski tásiline qara­ǵanda tıimdirek bolýǵa tıis.

PETROPAVL