Ol 11 jyldan beri medısına salasynda jumys istep keledi. Qazirgi tańda Shymkent qalasyndaǵy №1 qalalyq klınıkalyq aýrýhanasynyń bas dárigeri. Altyn qoldy hırýrg 600-den asa naýqasqa operasııa jasaǵan. Hırýrgııa baǵytyna ınnovasııalyq tehnologııalardy endirip, transplantologııa salasyn damytýda. О́zi basqaryp otyrǵan aýrýhanadaǵy bilikti mamandarmen birge Abylaı Ábdijapparuly 2019 jyly baýyr transplantasııasy otasyn 5 saǵat 48 mınýtta jasap, qazaqstandyq rekordty jańartty.
«Búıregi nemese baýyry jaramaı qalyp, sharasyz halge túsken naýqastardyń kózinen sóngen úmitti baıqaımyn. Sondyqtan mundaı naýqastardyń ómirin aman alyp qalý úshin kúrdeli ota jasap, úmitterin qaıta jalǵaǵym keledi. Naýqastardyń otadan keıin qýanyshty júzin kórip, odan ári shabyttana túsemin. О́zim basqaryp otyrǵan № 1 qalalyq klınıkalyq aýrýhanada joǵary mamandandyrylǵan medısınalyq qyzmettiń sapasyn arttyrsam deımin. Alda josparym kóp. Eń basty mindetim syrqattanǵan jandarǵa medısınalyq kómek kórsetý dep bilemin», -deıdi Abylaı Donbaı.
Búgingi kúnge deıin bilikti dáriger jumys jasaıtyn №1 qalalyq klınıkalyq aýrýhanasynda búırek jáne baýyr transplantasııasy otalary sátti jasalǵan. Sonymen qatar, medısınalyq týrızmdi damytý maqsatynda 23 shetel azamatyna (Germanııa, Kanada, Izraıl, Rýmynııa) búırek transplantasııasy jasalǵan. Odan ózge 166-shy búırek transplantasııa otasy sátti aıaqtalǵan.
