Aımaqtar • 10 Aqpan, 2021

Almatyda 15 sm-ge deıin qar jaýdy

277 ret

kórsetildi

1 mın

oqý úshin

Tıisti mekemeler qala turǵyndaryn kóktaıǵaqtan abaı bolýdy eskertedi.

10 aqpan saǵat 06.30-daǵy jaǵdaı boıynsha qalada 10-15 sm, al taýly aımaqtarda qardyń qalyńdyǵy 20 sm-ǵa deıin jetti, dep habarlaıdy Egemen.kz.

Elvıra SERIKQYZY

9 aqpan kúni saǵat 20.00-de qar jaýa bastady. Kóktaıǵaqtyń aldyn alý maqsatynda joldarǵa, kóshelerge, jolaılyqtarynyń kireberisterine kóktaıǵaqqa qarsy materıaldar sebildi. Túngi mezgilde patrýl mashınalarynyń erip júrýimen qar tazalaıtyn kolonnalar uıymdastyryldy.

Qalada qar tazalaý jumystaryna 557 tehnıka birligi, onyń ishinde 221 qumlaqtyrǵysh, 676 jol jumysshysy jumyldyryldy. 3340 tonna kóktaıǵaqqa qarsy materıaldar qoldanyldy.

Qardy syrtqa shyǵarý jumystary bastaldy, 830 tekshe metr qar shyǵaryldy. Tańǵy qarbalas shaqtan soń qar syrtqa jappaı shyǵarylady.

Aýdandyq ákimdikterde táýlik boıyna kezekshilikter uıymdastyryldy. 10 aqpan kúngi tańnan bastap qar tazalaýmen 552 tehnıka birligi, 1890 jol jumysshysy aınalysýda.

Trotýarlar, jaıaý júrginshiler aımaǵyn, qoǵamdyq kólik aıaldamalaryn, avtoturaq qaltalaryn, jaıaý júrginshiler kópirin, saıabaqtar men skverlerdi tazartý jumystary jalǵasýda.