«Investısııanyń kólemi 1 trıllıon 100 mıllıard teńgeden asty. 2019 jylmen salystyrǵanda bul 200 mıllıard teńgege artyq nemese 21%-ǵa kóp. Al qurylysqa 574 mıllıard teńge bólindi», dedi ol halyqqa esep berý kezdeýinde.
Onyń aıtýynsha, koronavırýs pandemııasy kezinde qalada shaǵyn jáne orta bıznes sýbektileri 11 myńǵa kóbeıgen.
«Nátıjesinde 1 trıllıon teńgege ónim óndirildi», deıdi Altaı Kólginov.
Sonymen qatar, elorda ákimi Nur-Sultannyń ekonomıkalyq draıveri qurylys salasy ekenin atap ótti.
«Koronavırýs pandemııasy kezindegi shekteýlerge qaramastan 3 mıllıon sharshy metr turǵyn úı paıdalanýǵa berildi. 2019 jyldyń kórsetkishimen salystyrsaq, bul 1 mıllıon 300 myń sharshy metrge kóp. Birinshiden, bul ekonomıkaǵa oń serpinin tıgizdi: salyq tólendi, kóptegen adam jumysqa ornalasty. Nátıjesinde myńdaǵan turǵyn jeke baspanasyna ıe boldy», dep túıindedi sózin ol.
