Memlekettik baǵdarlamanyń Shymkent qalasynda júzege asyrylý barysy jóninde qala ákiminiń tóraǵalyǵymen ótken májiliste kásipkerlik jáne ındýstrıaldy-ınnovasııalyq damý basqarmasy basshysy Bereke Dúısebekov baıandady.
- О́tken jyly «Qarapaıym zattar ekonomıkasy» baǵdarlamasy boıynsha jalpy somasy 29,1 mlrd.teńgege 30 jobaǵa qoldaý kórsetildi. 2019 jylmen salystyrǵanda jobalardyń ósý serpini 3 eseden asady. Bıyl «Bıznestiń jol kartasy – 2025» bıznesti qoldaý men damytýdyń memlekettik baǵdarlamasy sheńberinde 2 396,0 mln. teńgege 418 jobaǵa qoldaý kórsetý josparlanýda. Al, «Qarapaıym zattar ekonomıkasy» baǵdarlamasy aıasynda 3 576,0 mln. teńgege 100 jańa jobaǵa qoldaý kórsetý kózdelip otyr, dedi basqarma basshysy.
Aıta ótsek, «Qarapaıym zattar ekonomıkasy» baǵdarlamasynyń maqsaty – halyqtyń muqtajyn qamtamasyz etý jáne áleýmettik mańyzy bar azyq-túlik taýarlarynyń ımportyn almastyrý maqsatynda básekege qabiletti óndirister qurý.
Baǵdarlama aıasynda bank aldynda memlekettiń kepildigi qarastyrylǵan. Kepildik nesıeleýdiń barlyq merzimine beriledi. Nesıe mólsherine eshqandaı shekteýler joq. Sýbsıdııalaý nomınaldy syıaqy mólsherlemesi jyldyq 15%-dan aspaıtyn nesıeler boıynsha júzege asyrylady, onyń 6%-yn kásipker tóleıdi, al aıyrmasyn memleket sýbsıdııalaıdy. Investısııalyq maqsattarǵa sýbsıdııalaý merzimi 10 jyl, aınalym qarajatyn tolyqtyrýǵa úsh jyl.
Sýbsıdııalaýǵa jáne kepildendirýge ótinimder Egov, onlaın Damý portaly arqyly onlaın rejıminde qabyldanady jáne sýbsıdııalaý men kepildendirý sharttaryna qol qoıý elektrondyq tásilmen de múmkin.
Osy baǵdarlama boıynsha jáne bıznesti qoldaýdyń basqa da memlekettik baǵdarlamalary boıynsha tolyq aqparatty www.damu.kz saıtynan jáne Qonaev 95/1. Tel. +7 (7252) 99-70-49 nómiri arqyly alýǵa bolady.
