Patrýldik tikushaq ushqyshtary Florıda-Kıs pen Kýbanyń arasynda ornalasqan Angılıa-Keı shaǵyn aralynda qoldan jasaǵan týdy jelbiretip turǵan eki er adam men bir áıeldi baıqap qalǵan.
AQSh-tyń Jaǵalaýdaǵy kúzet qyzmetiniń leıtenanty Raılı Bıcherdiń agenttikke bergen suhbatynda áýeden patrýldeý kezinde aralda kómekke shaqyryp turǵan úsh adamdy kórgendigin málim etken. Ekıpajdyń zardap shekkenderdi birden qutqarýǵa múmkindigi bolǵan joq, alaıda olarǵa sý, azyq-túlik jáne rasııa qaldyryp ketken.
«Kýbalyqtar aralda 33 kún turyp jatqandaryn aıtty», dedi Bıcher.
Qutqarylǵan adamdar aralǵa qaıyqtarynyń sýǵa batyp qalǵannan keıin tap bolǵandaryn jáne bir aıdan astam ýaqyt tek kokos jegenderin baıandap berdi. Úsh «Robınzon» araldan tikushaqtyń kómegimen shyǵaryldy.
