Oqıǵa 2020 jyldyń 22 qazany kúni boldy. Is materıalyna súıensek, sottalýshy ashýǵa boı aldyryp, mas kúıinde áriptesine ashana pyshaǵyn suǵyp alǵan. Bir ǵana soqqydan dene shynyqtyrý pániniń muǵalimi Berik Eltezerov jan tásilim etti.
Sottalýshy bar kináni moıyndady. Sot otyrysy kezinde kýálerden jaýap alynyp, olar da mán-jaıdy túsindirip berdi.
«Jaza taǵaıyndaý kezinde sot «J»-nyń shyn nıetpen ókingenin, aıybyn moıyndap, polısııaǵa barǵanyn, qylmystyq quqyqbuzýshylyqpen keltirilgen moraldyq jáne ózge de zııandy ótegenin, kámelet jasqa tolmaǵan balalaryn eskerdi. Jábirlenýshi tarap ta keshirim berdi. Sot úkimimen «J» QR QK-niń 99-babynyń 1-bóligimen kináli dep tanylyp, oǵan 8 jylǵa bas bostandyǵynan aıyrý jazasy taǵaıyndaldy. Jazany qylmystyq-atqarý júıesiniń qaýipsizdigi barynsha joǵary mekemesinde óteý belgilendi. Sot úkimi zańdy kúshine engen joq», dep habarlady oblystyq sottyń baspasóz qyzmeti.
Aıta keteıik, pedagogtar arasyndaǵy tóbeles dene shynyqtyrý páni muǵaliminiń úıiniń aýlasynda, túski mezgilde bolǵan.
