Adamnyń qańqasyn Jasyl el-Taraz mekemesiniń qyzmetkerleri jumys júrgizý kezinde tapqan.
Mekeme qyzmetkerleri eki aýdandy bólip turatyn sý kanalynyń jaǵasyndaǵy qamysty oryp, qoqystan tazartyp júrgen kezde jerge kómilgen qapty baıqap qalady. Kúdikti bolyp kóringen qapty alyp shyqqan qyzmetkerler onda qańqa jatqanyn anyqtaǵan soń, birden tártip saqshylaryn shaqyrtypty.
Qańqany taýyp alǵandardyń aıtýynsha, máıittiń tek súıegi ǵana qalǵan. Soǵan qaraǵanda, marqum birneshe jyl buryn óltirilgen bolýy múmkin degen boljam jasalyp otyr.
Jambyl oblysy polısııa departamentiniń baspasóz hatshysynyń málimdeýinshe, bul derekke qatysty Taraz qalasynyń polısııa basqarmasymen sotqa deıingi tergep-tekserý óndirisi bastalyp, tabylǵan máıit súıekteriniń qaldyqtaryna sot medısınalyq saraptama taǵaıyndaldy. Qazirgi ýaqytta onyń jeke basyn anyqtaý maqsatynda jedel izdestirý is-sharalary júrgizilip jatyr.
Aıtolqyn MYRZAKARIM
