Oblystyq polısııa departamenti baspasóz qyzmetiniń aqparatyna qaraǵanda, krımınaldyq polısııa basqarmasy men balyq qoryna qylmystyq qol suǵýshylyqpen kúres bóliminiń qyzmetkerleri jedel-izdestirý is-sharasyn júrgizgen eken.
«Is-shara kezinde Atyraý qalasyna taıaý ornalasqan «Geolog» yqshamaýdanyndaǵy kópqabatty úılerdiń biriniń aýlasynda turǵyn eki kóliktiń ishinen 364 dana kıik múıizi tárkilendi. «VAZ-21014» avtokóliktiń birinen 200 dana kıik múıizi men quqyq qorǵaý organynda tirkelmegen qos uńǵyly «TOZ-16» markaly ańshylyq myltyǵy tabyldy. Al, ekinshi kólikte 164 dana kıik múıizi men ruqsat qujattary joq 4,5 kalıbrli «Baıkal MR-512» markaly qarý bary anyqtaldy», dep habarlady departamenttiń baspasóz qyzmetinen.
Qazir kúdik retinde ustalǵan Isataı aýdany men Atyraý qalasynyń 23 jastaǵy eki turǵynyna qatysty QR Qylmystyq kodekstiń 339-baby, 1-bóligimen sotqa deıingi tergeý bastaldy.
