Depýtattar qaıyrymdylyq jasady

Aýdandyq máslıhattaǵy eń jas depýtat, 22-ge endi tolǵan azamat el aldynda bergen ýádeni oryndaý basty maqsaty ekenin aıtady. «Qaıyrymdylyq – halqymyzdyń eń izgi qasıetteriniń biri, izgiliktiń kórinisi. «Qaıyrymdylyq jasasań, qaıyryn óziń kóresiń» deıdi dana halqymyz. Sonymen qatar qaıy­rym­dylyqty jaqsylyq jasaýmen balap, ony ımandylyqtyń, súıis­penshiliktiń, tárbıeliktiń, para­sat­tylyqtyń aıqyn kórinisi dep bilemin. Eldiń qoldaýymen Nur Otan partııasynyń praımerızi ári jas­tar kvotasy arqyly mandatqa ıe boldym. Maqsatym – el senimin aqtaý. Partııa baǵdarlamasyndaǵy mindetterdi oryndaýǵa bar kúsh-jigerimdi salamyn», deıdi Muhtar Amankeldiuly.

Azyq-túlik pen turmysqa qajetti zattar salynǵan qoraptardy Keles aýdandyq Jastar resýrstyq or­ta­lyǵynyń ókilderi men Jas Otan jastar qanatynyń erik­tile­ri turǵyndarǵa taratyp berdi. Kó­mek alǵan turǵyndar depýtat pen jergilikti ımamdarǵa, erik­ti jas­tarǵa rızashylyqtaryn bildir­di. Bul ıgi isti Qazaqstan musyl­man­dary dinı basqarmasynyń «Taıqazan» jobasy aıasynda «Keles-Abaı» qaıyrymdylyq qory uıym­dastyrǵanyn da aıta ketelik.

Sondaı-aq jýyrda Sozaq aýdan­dyq máslıhatynyń depýtaty, jeke kásipker Baǵlan Súgir­baev Sholaqqorǵan aýylynyń az qamtylǵan, asyraýshysy joq, múm­kindigi shekteýli jandary bar otbasy­laryna kómek kórsetti. Jomart jan 50 otbasyǵa 1 tonnadan kómir túsirip berdi. Dálirek aıtsaq, 35 shańyraqqa kómir túsirip berse, 15 otbasynyń árqaısysyna otyn alatyn qarajat usyndy. Úılerge qatty otyndy úlestirip, taratyp berýge aýdandyq Jastar resýrstyq ortalyǵynyń janynan qurylǵan Valu» eriktiler uıymy kómektesti. Qysy qataldaý keletin teriskeılik turǵyndar depýtat pen erikti jastarǵa rızashylyqtaryn bildirdi.

Aıta ketelik, qazirgi kúnge deıin Túrkistan oblysynda barlyq deń­geı­de­gi máslıhattardyń jańa depýtattary 70 kezdesý ótkizip, 214 turǵynnyń ótinishteri men talap-tilekterin qa­byl­dap úlgerdi.

Túrkistan oblysy