Senatorlar óńdeýshi ónerkásipti qoldaýdaǵy qazirgi sharalarǵa, onyń ishinde óńdeý salasyndaǵy otandyq kásiporyndarǵa nesıe berýdi ulǵaıtý jóninde qandaı jumystar júrgizilip jatqanyna nazar aýdardy.
Komıtet tóraǵasy Dáýren Ádilbekov elimizdiń damýynda sheteldik ınvestısııalardy tartý asa mańyzdy ekenin jáne osyǵan baılanysty zańnamany jetildirý úshin jańa tásilderdi ázirleý talap etiletinin atap ótti.
"О́nerkásipti odan ári damytý úshin sapaly zańnamalyq qoldaý qajet ekenin túsinip te, kórip te otyrmyz. Sondyqtan, biz úshin zańnamadaǵy olqylyqtardyń ornyn toltyrýǵa jáne óńdeýshi ónerkásip óndirisiniń kólemin ulǵaıtý úshin jańa tásilder ázirleýge múmkindik beretin keri baılanys ornatý óte mańyzdy. Osy jańalyqtardyń bári "О́nerkásiptik saıasat týraly" jańa zańda kórinis tabýy tıis", - dedi Dáýren Ádilbekov.
Depýtattar sondaı-aq "qarapaıym zattar ekonomıkasy" baǵdarlamasy aıasynda basym jobalarǵa nesıe berý tetikterine qatysty máselelerdi kóterdi, sondaı-aq óńdeý ónerkásibi jobalaryn jeńildikpen qarjylandyrýdy qoldaný múmkindikterin talqylady.
Kezdesý "Qazaqstan Respýblıkasynyń ónerkásiptik saıasatyn zańnamalyq retteý: jaı-kúıi, problemalary jáne sheshý joldary" taqyryby boıynsha Úkimet saǵatyna daıyndyq aıasynda ótti.
