Jambyl oblystyq densaýlyq saqtaý basqarmasynyń málimetinshe, koronavırýs indetin juqtyrý kórsetkishi Taraz qalasynda órship tur. Búgingi tańda oblys ortalyǵynda 2 772 derek tirkelgen. Al Baızaq aýdanynda – 385, Jambylda – 301, Jýalyda –199, Qordaıda – 652, T.Rysqulovta – 199, Merkide – 188, Moıynqumda – 109, Sarysýda – 196, Talasta –138 jáne Shý aýdanynda 395 jaǵdaı anyqtalǵan. Sonymen qatar áskerge shaqyrylýshylar arasynan 125 jaǵdaı, óńirge kelýshi basqa oblys turǵyndary arasynan 50 jaǵdaı tirkelip otyr.
Qaýipti indettiń aldyn alý jáne óńir turǵyndarynyń ómirin saqtap qalý maqsatynda Jambyl oblysy boıynsha ınfeksııalyq stasıonarda 1 200 tósektik oryn daıyndalǵan. Sondaı-aq karantındik stasıonarda 15 tulǵa bar. Olar Baızaq aýdandyq ortalyq aýrýhanasyna, Qordaı aýdany Qordaı aýylyndaǵy «Keremet» qonaqúıine jáne T.Rysqulov aýdandyq ortalyq aýrýhanasyna ornalastyrylǵan. Al 2 405 turǵyn úı jaǵdaıyndaǵy karantınge jatqyzylsa, osy ýaqytqa deıin karantınnen 16 myń 439 azamat shyǵarylǵan.
Sonymen qatar óńirdegi qoǵamdyq oryndarda talap meılinshe kúsheıtilgen. Qaýipti indetpen kúreste aýdandarda da tıisti sharalar qolǵa alynýda.
Jambyl oblysy
