Ol energetıka, turǵyn úı-kommýnaldyq sharýashylyq, jumyldyrý daıyndyǵy, halyqty jumyspen qamtý jáne áleýmettik qorǵaý máselelerine, sondaı-aq eńbek qatynastaryna qatysty máselelerge jetekshilik etetin bolady.
Ermek Alpysov 1971 jyly Soltústik Qazaqstan oblysynda dúnıege kelgen. Eki joǵary bilimi bar: Abaı atyndaǵy Almaty memlekettik ýnıversıtetin jáne I.Jansúgirov atyndaǵy Jetisý memlekettik ýnıversıtetin támamdaǵan. Mamandyǵy boıynsha geografııa jáne bıologııa pánderiniń oqytýshysy, ekonomıst.
Eńbek jolyn 1993 jyly Almaty qalasyndaǵy №156 orta mektepte bastady. 2001 jyldan bastap Ermek Alpysov memlekettik qyzmette. Almaty oblystyq qorshaǵan ortany qorǵaý basqarmasynyń jetekshi bas mamany, ınspektory, bólim bastyǵy qyzmetterin atqarǵan. 2004-2008 jyldary Almaty oblysy Aqsý aýdany ákiminiń orynbasary boldy. 2008-2012 jyldary Taldyqorǵan qalasy ákiminiń orynbasary bolyp eńbek etken. 2012-2015 jyldary Taldyqorǵan qalasynyń ákimi qyzmetin atqardy.
Sondaı-aq, Qazaqstan Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, meńgerýshisiniń orynbasary bolyp jumys istedi.
Al Qaraǵandy oblysy ákiminiń orynbasary qyzmetin atqarǵan Álisher Ábdiqadyrov qaıta taǵaıyndalýyna baılanysty qyzmetinen bosatyldy. Ol Ulttyq ekonomıka vıse-mınıstri boldy.
