Jeńil ónerkásip jáne servıs kolledji ótken jyly «Jas maman» jobasyna qatysyp, 371 mıllıon teńgege «Tiginshi-kesteleýshi» mamandyǵy úshin zamanaýı materıaldyq-tehnıkalyq bazany nyǵaıtý maqsatynda Japondyq «JUKI» kompanııasynyń zamanaýı qural-jabdyqtaryn alǵan. Mundaǵy jańa jabdyqtarmen jumys jasaý úshin kolledjdiń 30 mamany arnaıy oqýdan ótip, sertıfıkattarmen rastaldy. Jeńil ónerkásip jáne servıs kolledji ótken jyly «Jas maman» jobasyna qatysyp, 371 mıllıon teńgege «Tiginshi-kesteleýshi» mamandyǵy úshin zamanaýı materıaldyq-tehnıkalyq bazany nyǵaıtý maqsatynda Japondyq «JUKI» kompanııasynyń zamanaýı qural-jabdyqtaryn alǵan. Mundaǵy jańa jabdyqtarmen jumys jasaý úshin kolledjdiń 30 mamany arnaıy oqýdan ótip, sertıfıkattarmen rastaldy.
Jeńil ónerkásiptiń quzirettilik ortalyǵyn qurýdaǵy maqsat - AEA kásiporyndary arasynda ınnovasııalyq baǵdarlamalar men tehnologııalar tájirıbesin engizý; oqytý baǵdarlamalary arqyly óndiristen pedagogterdi, mamandardy, sarapshylardy qaıta daıarlaý; «WordSkills» standarttary boıynsha chempıonattardy daıyndaý jáne úzdik álemdik tájirıbelerdi engizý. Ortalyqta «kesteleýshi», «sandyq modeler», «pishýshi», «kıim qurastyrýshy», «modeler-qurastyrýshy», «tigin óndirisiniń tehnology», «bas kıim modısti», «kıim dızaıny», «tigin jabdyǵynyń operatory» sekildi quzirettilikterdi ashý kózdelip otyr.
О́ndiristik sheberhanalarmen tanysqan shahar basshysy kolledjder múmkindigin tıimdi paıdalana bilý kerektigin aıtty.
- Qalamyzda 31 tehnıkalyq jáne kásibı bilim beretin oqý ordasy bar. Onda túrli mamandyq boıynsha kadrlar daıyndalyp jatyr. Jeńil ónerkásiptiń quzirettilik ortalyǵy – elimizdegi mundaı ozyq tehnologııamen jabdyqtalǵan alǵashqylardyń biri. Sondyqtan bazanyń múmkindikterine asa kóńil bóliný qajet. Qaladaǵy kásiptik bilim beretin uıymdardaǵy mamandyqtar negizinde ınvestorlarǵa usynatyn arnaıy úsh tilde kitapsha ázirlensin. Qyzyǵýshylyq tanytyp keletin ınvestorlarǵa ózimizdegi daıyn kadrlardy usyný arqyly jumyssyzdyqtyń aldyn alamyz, ekinshi jaǵynan qala áleýetin de kórsete alamyz, - dep sala basshysyna tapsyrma berdi.
«Jas maman» jobasy - Qazaqstan Respýblıkasynyń Tuńǵysh Prezıdenti N.Á.Nazarbaevtyń 2019 jyly Jastar jylynyń saltanatty ashylý rásiminde bergen tapsyrmasyna sáıkes ázirlengen.
Jobanyń maqsaty WorldSkills standarttarynyń halyqaralyq tájirıbesin engize otyryp, TJKB uıymdaryndaǵy suranysqa ıe 100 mamandyqty anyqtaý jáne qaıta jańǵyrtý bolyp tabylady. «Jas maman» jobasyn iske asyrý qorytyndylary boıynsha oqý uıymdary respýblıkalyq jáne halyqaralyq deńgeılerde talap etiletin mamandardy daıarlaý úshin qajetti qazirgi zamanǵy jabdyqtarmen jaraqtandyrylatyn bolady.
2020 jyly atalǵan jobaǵa qalamyzdaǵy 2 kolledj qatysyp, 646 624 mln teńgege jabdyqtar satyp alyndy. Al bıyl 5 kolledjge 1 mlrd 700 mln teńgege sapaly kadrlar daıarlaýǵa múmkindik beretin jabdyqtar alynady.
