Qaraǵandy farmasevtıkalyq kesheniniń baspasóz qyzmetine silteme jasap.
«Qaraǵandy farmasevtıkalyq kesheni Qazaqstan Respýblıkasynyń aýmaǵynda koronavırýs ınfeksııasyna qarsy «Gam-KOVID-Vak» nemese «Spýtnık V» dep atalǵan vaksınany tirkeý rásimin aıaqtady. 2021 jyldyń 13 aqpanynda tirkeý derekteri materıaldaryn qaraý qorytyndysy boıynsha ekpeniń qaýipsizdigi, sapasy jáne tıimdiligi týraly Densaýlyq saqtaý mınıstrligi saraptama uıymynyń qorytyndysy alyndy. Qorytyndy negizinde atalǵan mınıstrliktiń Medısınalyq jáne farmasevtıkalyq baqylaý komıtetine tirkeý kýáligin alýǵa ótinim joldandy», delingen habarlamada.
Aldyn ala esepteýler boıynsha, aqpan aıynyń sońynda elimizdiń barlyq óńirlerine QBK óndirgen vaksınanyń 90 myńǵa jýyq dozasyn jetkizý josparda bar.
Eske salar bolsaq, Qazaqstanda vaksına óndirý týraly sheshim Qazaqstan Densaýlyq saqtaý mınıstrliginiń komıssııasy men Reseıdiń tikeleı ınvestısııalar qorynyń ókilderi qazaqstandyq farmasevtıkalyq kásiporyndardy aralap, zerttegennen keıin qabyldanǵan bolatyn. Al «Spýtnık V» ekpesi 1 aqpannan bastap Qazaqstanda jappaı vaksınalaý úshin qoldanyla bastady.
Aıta ketetin bir jaıt, Qazaqstan «Spýtnık V» vaksınasyn qoldanýdy maquldaǵan 27-shi el boldy.
