Sanjar Taıjan óz komandasymen birge benzınmen júretin avtomobılderdi batareıamen qozǵalatyn elektr kólikteri etip, qaıta jańǵyrtady. Qazaqstandyq ónertapqysh mashınanyń prototıpin Mınıstrge kórsetip, erekshelikteri týraly aıtyp berdi.
- Qazir elektr kóligi jaqsy aýa-raıynda 100 shaqyrymnan astam qashyqtyqqa júre alady. Al biz ony 500-600 shaqyryǵa deıin arttyra alamyz. Basty maqsatymyz - elektromobılderdiń alǵashqy qazaqstandyq brendin jasaý. Jaqyn arada dızaıny múldem jańa 30 prototıp ázirlep, modelge 200-den astam patent alýdy josparlap otyrmyz, - deıdi Sanjar Taıjan.
Startap eń aldymen taksıdi qosa alǵanda elimizdegi qoǵamdyq kólikti elektr túrine aýystyrýdy kózdeıdi.
Mınıstr Beıbit Atamqulov tabıǵatty saqtaýǵa jáne jańartylatyn qýat kózderin paıdalanýǵa yqpal etetin jańa tehnologııalardy damytýdy qoldaýdyń mańyzdylyǵyn atap ótti.
QR IIDM men Sanjar Taıjannyń kompanııasy jobany iske asyrý úshin birlesip ınvestorlar izdestirýdi josparlap otyr. Sondaı-aq, Mınıstrlik startapty damytýǵa jáne onyń ónimderin ilgeriletýge járdemdesedi.
