Oqıǵa 15 aqpanda saǵat 14.00 shamasynda boldy. Oblys ortalyǵyndaǵy Ǵ.Muratbaev kóshesiniń boıynda darııanyń ústinen sol jaǵalaýǵa ótetin kópirden 1985 jyly týǵan azamat sekirip ketken.
Oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń jedel qutqarý jasaǵynyń qutqarýshylary onyń denesin jaǵaǵa shyǵaryp, polısııaǵa tapsyrdy.
«Búgin, 15 aqpanda Qyzylorda qalasynda sol jaǵalaýǵa ótetin kópir ústinen Syrdarııa ózenine sekirgen oblys ortalyǵynyń turǵyny kóz jumdy. Ol boıynsha QR Qylmystyq kodeksiniń 105-baby 1-bóligimen sotqa deıingi tergep-tekserý jumystary júrgizilýde. Oqıǵanyń mán-jaıy anyqtalýda», dep málim etti Qyzylorda qalalyq polısııa basqarmasynyń baspasóz qyzmetinen.
