Jas tolqyn kómek qajet etken adamdardy júrek jylýymen nurlandyryp, senimderin arttyra túsýde. Tipti, eń bastysy materıaldyq kómek te emes, dert sheńgeline iligip, syrqattanyp jatqandardy biraýyz jyly sózderimen demegenderiniń ózi nege turady?! Jas otan jastar qanatynyń eriktileri byltyr júzden astam azamatqa janashyrlyq jasap, kómek kórsetti. Onyń ústine el tutastyǵyn meńzeıtin, bekem birliktiń tinin myqtaı túsetin «Biz birgemiz!» aksııasy aıasynda da ondaǵan otbasyna demeýshilik jasady.
Jasotandyqtar oblys ortalyǵynda ǵana emes, árbir aýdanda atqarylatyn qaıyrymdylyq sharalardyń jol kartasyn ázirleý ústinde. Biriniń jaqsy isin biri kórip súısingen, ımandy sharaǵa ózderi de atsalysqysy kelgen jastardyń qatary kún saıyn óse túsýde. Búginde 5 myńnan asyp jyǵylady. Negizgi top – Kókshetaý qalasynda. Oblys óńirin tutas qamtyp, izgilik nuryn shymyrlaı sińirý úshin árbir qala men aýdanda kovorkıng ortalyqtary uıymdastyrylǵan. Keshegi «qyzyl aımaqta» turǵan kezde bul ortalyqtarda jumys qaınap jatty. Áli de báseńdegen joq. О́ńir «qyzyl aımaqtan» shyqqanymen, kómekti qajet etetinder qatary seıile qoıǵan joq.
Byltyrǵy naýryz aıynan beri jastar qanatynyń belsendileri óńirde qolǵa alynǵan barlyq janashyrlyq sharalarǵa úzbeı qatysyp, ózderiniń boılaryndaǵy adam súısinerlik ádemi qasıetterdi tanytyp-aq keledi. Tipti, túnerip kelgen túıtkil qıyndyqtan seskenetin emes. Bastaryn báıgege tigip júrip el basyna túsken aýyrtpalyqpen alysýda.
– Jastar azyq-túlik sebetterin, dári-dármekter men kúndelikti turmysqa qajetti zattardy muqtaj otbasylarǵa jetkizip berýde, – deıdi Jas otan jastar qanaty oblystyq fılıalynyń tóraǵasy Sultan Bekeshev, – ártúrli baǵytta jumys isteýde, sonyń ishinde «Dıspetcherlik qyzmet» dep atalatyn joba óte tıimdi. Bul joba aıasynda múmkindigi shekteýli adamdarǵa kómek kórsetiledi. Olar osy qyzmet túrine habarlasa alady, jastar bolsa ótinishtiń eshqaısysyn jerde qaldyrmaı, birden kómek kórsetedi. О́tken jyly júzdegen múmkindigi shekteýli adamǵa osyndaı ádispen kómek kórsetildi. Endigi biraýyz toltyryp aıtýǵa laıyqty dúnıe – «Jas saıasatkerler klýby», «Aýla alańdary» jobalary. Bul jobalardyń aıasynda erikti jastardyń boılaryndaǵy tamasha qasıetterdi ushtap, belsendilikterin arttyra túsý kózdelgen.
Jasotandyqtardyń qataryna qabyldanǵan soń birden belsendi is-qımylǵa kóshken jastyń biri – Omar Bekın. Ol byltyr aıryqsha belsendiligi úshin «Halyq alǵysy» medalimen marapattaldy. Sóz arasynda óńirdegi eńbegi elengen qurbylarynyń ishindegi eń jasy ekendigin aıta ketýge bolar.
– Jalpy jastardyń osy bir izgilikke toly ımandy sharýasyn aıta júrgen jón. Sonda bizdiń zamandastarymyz qulaqtanyp, ortaq iske úlesterin qosyp, toptasa túsedi. Mysaly, ózim Nazarbaev zııatkerlik mektebinde júrgizilgen úgit-nasıhat sharasynan soń qosyldym, – deıdi Jas otan jastar qanatynyń belsendisi Omar Bekın, – sol kezdesýde «Dýman» pedagogıkalyq jasaǵy týraly óte jaqsy aıtyldy. Qazir eriktiler qatarynda qolǵabysymdy tıgizip júrmin.
Bir qýanyshtysy, erikti jastar qatary tolyǵa túsýde. Aldaǵy jumys ta aýqymdy. «Urpaqtar sabaqtastyǵy», «Taza sessııa», «Jas saıasatkerler klýby» tárizdi qyzǵylyqty jobalar júzege asyrylmaq. Maqsat – jastardyń qoǵamdyq jumystaǵy belsendiligin, jaqynǵa janashyr bolýdyń qajet ekendigin nasıhattaý. El jastarynyń eńseli isin kórgende bolashaqtyń baıandy bolaryna senim de arta túsedi.
KО́KShETAÝ
