Is-shara barysynda jergilikti atqarýshy organdardyń Ádep jónindegi ýákilderiniń 2020 jylǵy jumys qorytyndylary týraly Aqmola oblysy ákimi apparatynyń Ádep jónindegi ýákili Aınagúl Janádilova habardar etti, onyń aıtýynsha eseptik kezeńde 554 adamǵa, onyń ishinde memlekettik qyzmetshilerge jeke konsýltatıvtik kómek kórsetilgenin, 172 azamattardy jeke qabyldaý uıymdastyrylǵanyn, 11 memlekettik qyzmetshiniń buzylǵan quqyqtary men zańdy múddeleri qalpyna keltirilgenin atap ótti. Moraldyq psıhologııalyq ahýaldyń jaı-kúıin zerdeleý maqsatynda 3000-nan astam memlekettik qyzmetshini qamtı otyryp, birneshe ret jasyryn saýalnama júrgizildi.
Departamenttiń Memlekettik qyzmet salasyndaǵy baqylaý basqarmasynyń basshysy Qaıyrjan Sultanǵazıev memlekettik qyzmetshilerdiń jaýapkershiligin kúsheıtý maqsatynda qoldanystaǵy zańnamaǵa engizilgen ózgerister týraly habardar etti. Sondaı-aq, onyń aqparaty boıynsha, Departament jumysyndaǵy mańyzdy basymdyqtardyń biri azamattardyń quqyqtaryn qorǵaý bolyp tabylady. Mysaly, ótken jyldyń qorytyndysy boıynsha 30-dan astam azamattar men memlekettik qyzmetshilerdiń quqyqtary qalpyna keltirildi.
«Ádep jónindegi ýákilder ózderine júktelgen fýnksııalarmen shektelmeı, ózderiniń jeke qarym - qatynastarymen ujymda qolaıly jaǵdaı qalyptastyrýǵa yqpal etedi, olardyń kópshiligi óz áriptesteri úshin tálimger, psıholog, medıator rólin atqarady» - dep atap ótti is-sharaǵa qatysýshylar.
Búgingi tańda mádenı mura mádenıetti arttyrýda, etıkalyq qaǵıdattar men normalardy qalyptastyrýda, sondaı-aq memlekettik qyzmetshilerdiń jaǵymdy moraldyq-psıhologııalyq beınesin qalyptastyrýda mańyzdy ról atqarady. Osyǵan baılanysty atalǵan is-sharaǵa Aqmola oblysynyń tarıhı-mádenı murany qorǵaý jáne paıdalaný ortalyǵynyń bas ınspektory Gúlim Rahymjanova shaqyrylyp, «Tarıhı – mádenı mura-halyq ıgiligi» taqyrybynda baıandama jasady.
