О́mirde túrli jaǵdaı bolady ǵoı. Ata-anasy jumysqa ketken kezde nemese basqa da jaǵdaıda jas balalardyń úı ishinde qulyptalyp, kómekke muqtaj bolyp jatatyn kezi kóp kezdesedi. Sondaı-aq kóp qabatty turǵyn úılerdiń lıftileri de keıde isten shyǵyp, ishinde adam qalyp qoıady. Mundaı kezde árıne, eń birinshi qońyraý qutqarý qyzmetine túsedi.
Máselen, 2020 jyly Oral qalasynda qutqarýshylar jas balanyń ómirine qaýip-qater tóngen kezde 55 esikti buzyp ashqan. Syrqaty bar adamdarǵa kómek kórsetý maqsatynda – 74, polısııa qyzmetkerlerine kómek kórsetý úshin – 76 márte qyzmet kórsetipti. Turmystyq gaz apatynyń aldyn alý úshin 24 esikti «tótenshelikter» kómegimen ashýǵa týra kelgen. Tipti óz-ózine qol jumsaý áreketi baıqalǵan oqıǵalar kezinde de 5 esik erkinen tys ashylǵan. Al lıftide qamalyp qalý oqıǵasy 39 ret qaıtalanypty.
- Bıyl jyl basynan beri bizdiń áriptesterimiz qutqarý dabylymen 29 márte jolǵa shyqty. Onyń 5 oqıǵasynda jas balalardy qutqarsa, 8 ret syrqat adamdarǵa járdemdesti. 14 oqıǵa polısııa qyzmetkerleriniń ótinishimen boldy. Lıftide qalyp qoıǵan adamdardy 2 ret qutqardy, - deıdi Batys Qazaqstan oblystyq Tótenshe jaǵdaılar departamentiniń baspasóz hatshysy Bákızat Maǵzenova.
Batys Qazaqstan
