28 jastaǵy Aıtkúl esimdi qala turǵyny birazdan beri ul súıýdi armandap júrgen edi. Armany oryndalyp, ómirge birden shekesi torsyqtaı úsh uldy ákeldi.
Aıta keteıik, týǵan sátte úshemniń salmaǵy 1570gr, 1610gr, 1820 gramm bolǵan eken. Qazirgi kúni Bekasyl, Erasyl, Janasyl esimdi balaqaılar salmaq qosyp, densaýlyq jaǵdaılary jaqsarǵan.
Merziminen erte týylǵan úshemder eki aptaǵa jýyq qalalyq perınataldyq ortalyqtaǵy mamandardyń baqylaýynda boldy. Densaýlyq saqtaý basqarmasynyń basshysy men dárigerler jańa týǵan nárestelerge syılyq tabystap, perzenthanadan saltanatpen shyǵaryp saldy.
Bul úsh sábı – bıylǵy jyldyń alǵashqy úshemderi. Jyl basynan beri qalada 3753 sábı dúnıege kelse, olardyń basym bóligi uldar.
