Qosymsha tóleý merzimin ótkizip alý sekildi máseleni boldyrmaıdy. Sonymen qatar, derekterdi toltyrýda qatelikterdiń aldyn alady.
«Qazirgi servıs jyljymaıtyn múlik obektileri, kólik quraldary, jer ýchaskeleri boıynsha «Azamattarǵa arnalǵan úkimet» AQ, IIM Ákimshilik polısııa komıtetiniń jáne Aýyl sharýashylyǵy mınıstrliginiń Memlekettik jer kadastrynyń avtomattandyrylǵan aqaparattyq júıelerimen ıntegrasııalanǵan», dedi departament basshysy.
Aıta keteıik, qosymshada artyq tólemdi basqarý servısi de iske qosylǵan. Iаǵnı, bul servıs bir salyqtan artyq tólemdi basqa salyqtarǵa aýdaryp otyrady. Qarajat banktik shotqa 5 jumys kúninde qaıtarylady. Sondaı-aq, qosymshada «Qyzmetkerdiń eńbegine aqy tóleý» servısi de bar. Ol arqyly ár adam eńbek aqysynan eseptelgen jeke tabys salyǵynyń, zeınetaqy jarnalarynyń, mindetti áleýmettik jáne medısınalyq saqtandyrý aýdarymdaryn teksere alady.
