Kezdesý barysynda Alataý aýdanynyń turǵyny Zerdeli yqshamaýdanyndaǵy apattyq úılerge jóndeý jumystaryn júrgizý máselesin kóterdi.
Qala ákimi bul máseleni jiti nazarǵa alǵanyn, bıyl apattyq jaǵdaıdaǵy 10 úıge jóndeý jumystaryn júrgizý josparda bar ekenin aıtty.
“Men bul másele boıynsha ózderińizben jıi kezdesip otyrdym. Osy ótken eki-úsh apta buryn taǵy baryp qaıtqan bolatynmyn. Júrgizilip jatqan jumystardy baqylaýǵa aldym. Bıylǵy jyldyń sońyna deıin 10 úıdi qalypqa keltiremiz. Qalǵan úılerdi jóndeý jumystary kelesi jyly aıaqtalady”, - dedi Baqytjan Saǵyntaev.
Sonymen qatar, shahar basshysy jóndeý jumystarynyń barysy mindetti túrde turǵyndardyń suraýlaryna sáıkes, usynystaryn nazarǵa ala otyryp júrgiziletinin atap ótti.
Búgingi kúni berilgen qorytyndyǵa sáıkes (№1/180, 1/160, 1/161, 1/165) úılerdiń irgetasyn nyǵaıtý boıynsha jumystar júrgizildi, №1/167, 1/168 úıler boıynsha jumystar qolǵa alyndy. Úılerdiń irgetastarynyń negizin nyǵaıtý jónindegi jumystar aıaqtalǵan soń qasbetter syrlanady jáne turǵyn úılerdiń kireberisteri jóndeledi.
2016 jyldan beri barlyǵy 13 turǵyn úı nyǵatylady, 17 úı boıynsha usynymdar alyndy, osyǵan sáıkes 2021-2022 jyldary nyǵaıtý jumystary júretin bolady.
Eske salsaq, búgin Almaty qalasynyń ákimi Baqytjan Saǵyntaevtyń ekinshi esep berý kezdesýi pandemııaǵa baılanysty onlaı formatta ótýde. Suraqtar qoıýǵa nıet bildirgenderdiń barlyǵyna 1308 biryńǵaı jeli telefony jumys isteıdi. Sondaı-aq, suraqtardy Whatsapp 8 777 046 33 33 nómirine jiberýge nemese áleýmettik jelilerdegi esep berý kezdesýiniń translıasııasy boıynsha túsiniktemelerde qaldyrýǵa bolady. Turǵyndar óz suraqtaryn efır kezinde qoljetimdi bolatyn ZOOM kómegimen de qoıa alady. Sonymen qatar, segiz aýdanda turǵyndar barlyq sanıtarlyq normalardy saqtaı otyryp, óz suraqtaryn qoıa alatyndaı arnaıy oryndar qarastyryldy. Onlaın kórsetilim Facebook jáne qalalyq ákimdiktiń, "Almaty" arnasynyń, OpenAlmaty jáne StopCOV saıtynda kórsetiledi.
