Almaty ákimi Baqytjan Saǵyntaev qalanyń ekologııalyq jaǵdaıyn jaqsartý úshin qandaı sharalar qabyldanyp jatqanyn aıtty.
«Qalanyń ekologııalyq jaǵdaıy Almaty ákimdiginiń jumysyndaǵy mańyzdy máselelerdiń biri. Bul úlken keshendi jumys, ekologııalyq problemalardy sheshýge barlyq jaǵynan qaraý kerek. Eń bastysy-JEO-2 gazǵa aýystyrý týraly sheshim qabyldandy. О́tken jyly bul másele sheshildi. Gazǵa kóshirýdiń ártúrli shemalary boldy, bıyl «Samuryqenergo» jobalaý-smetalyq qujattamany daıyndaýda. 2022 jyldan bastap árbir alty aı saıyn eki qazandyqtan jańǵyrtý júrgiziledi. 2025 jyldyń sońyna qaraı barlyq segiz qazandyq agregatyn gazǵa kóshirýdi aıaqtaý josparlanýda. Qarjylandyrýdyń tıisti shemasy men gaz jetkizý kólemin Úkimet sheship úlgerdi, Energetıka mınıstrligi «Samuryqenergomen» birge bul máselemen aınalysyp jatyr. Biz qala turǵyndaryna bastamany qoldaǵany jáne bul máseleni únemi qadaǵalap otyrǵandary úshin alǵysymyzdy bildiremiz», - dep jaýap berdi ákim.
Baqytjan Saǵyntaev sondaı-aq kólikten bólinetin qaldyqtar máselesi sheshilip jatqanyn aıtty.
«Bizde 500 myńnan astam kólik tirkelgen jáne kún saıyn qalaǵa 250 myńnan astam kólik kiredi. Biz pandemııa kezinde aýa tazarǵanyn kórdik. Qapshaǵaı, Talǵar, Qaskelen tarapynan keptelis bolmaýy úshin biz qala boıynsha jolaıryqtar salyp jatyrmyz. Indýstrııa mınıstrligimen biz joldardy keńeıtý máselesin pysyqtap jatyrmyz. Biz qala mańynan elektr poıyzdaryn iske qosýdy usyndyq, qazirgi ýaqytta jeke qarajat esebinen Talǵar boıynsha kelissózder júrip jatyr. Dál osyndaı jumysty biz Qaskelen jaǵyna qaraı júrgizip jatyrmyz, - deıdi Baqytjan Saǵyntaev.
Qalanyń ekologııasyn jaqsartý úshin 2019 jyly «Jasyl Almaty» baǵdarlamasy qabyldandy, onyń aıasynda úsh jyl ishinde 1 mıllıon aǵash otyrǵyzý josparlanýda.
«Bul baǵdarlamany jarııalaǵan kezde kóptegen adamdar bul máselege kúmánmen qarady. О́tken jyly biz 300 myńǵa jýyq aǵash otyrǵyzdyq jáne bul jumysty jalǵastyramyz. Jasyl ekonomıka basqarmasynyń saıty arqyly qalamyzda qansha aǵash bar ekenin kórýge bolady. Ekologııa árqashan erekshe baqylaýda», - dep atap ótti ákim.
Sonymen qatar, almatylyq Saıa Qarsen Bostandyq aýdany men Ile-Alataý saıabaǵynyń shekarasyndaǵy «Sýlpak» dúkeni mańyndaǵy aǵashtardyń kesilýine qatysty suraq qoıdy.
«Bul fakt boıynsha is QR QPK 300-baby boıynsha óndirispen aıaqtaldy jáne is qala prokýratýrasyna jiberildi», - dep jaýap berdi Almaty qalasy polısııa Departamentiniń bastyǵy Qanat Taımerdenov.
