«Máselen, Qurmanǵazy aýdanynda 75 oryndyq ortalyq aýrýhana salyndy. Oblystyq kardıologııalyq ortalyq úshin 50 oryndyq japsarlas ǵımarat turǵyzyldy. Atyraý qalasynda modýldik ınfeksııalyq aýrýhana paıdalanýǵa berildi. Birqatar aýyldyq eldi mekende dárigerlik ambýlatorııalar iske qosyldy. Aýyldyq eldi mekenderdiń turǵyndaryn qamtý úshin 5 jyljymaly medısınalyq keshen jumysyn bastady. Byltyr jedel medısınalyq járdem qyzmetine 46, bıylǵy jyldyń basynda 20 jańa avtokólik berildi. Osylaısha óńirdiń atalǵan qyzmeti qajetti kólikpen 100 paıyz qamtyldy» dedi Mahambet Dosmuhambetov.
Ákimniń aıtýyna qaraǵanda, aımaqta 10 densaýlyq saqtaý nysanyna kúrdeli jóndeý jasaldy. Qazir Jylyoı aýdanynyń ortalyǵy – Qulsary qalasynda 75 oryndyq aýrýhananyń qurylysy jalǵasyp jatyr.
