Urlyq týraly polısııaǵa shaǵym túspegen. Tek Aryqbalyq aýylynyń ýchaskelik polısııa ınspektory, polısııa kapıtany Abylaıhan Ramazanovtyń qyraǵy kózi salynyp jatqan úıdiń terezesi ashyq turǵanyn kórip, ıesine habarlasqan. Sóıtse, shynynda urlyq bolyp, 10 alıýmınıı jylý batareıasynyń qoparylyp alynyp, joǵalǵany anyqtalǵan. Keltirilgen shyǵynnyń somasy 500 myń teńgeni qurady.
Jedel ýákilder urlyqty jasaǵan 20 jáne 22 jastaǵy jergilikti eki turǵyn ekenin de tapty. Olardyń bireýi buryn osy qurylysta jumys istegen. Atalǵan fakti QR Qylmystyq kodeksiniń 188-baby 3-bóligi «Urlyq» boıynsha Sotqa deıingi tergep-tekserýlerdiń biryńǵaı tizilimine engizildi. Kúdiktilerge qatysty mindetti kelý týraly májbúrleý sharasy taǵaıyndaldy. Urlanǵan zat alyndy jáne tergeý áreketteri aıaqtalǵan soń zańdy ıesine qaıtarylady.
