Qazirgi tańda, elimizde kásipkerlik qyzmetti damytýǵa kóptegen qoldaýlar jasalýda, oqytý baǵdarlamalarynyń barlyq kezeńderine kásipkerlik arqyly bilim berý jobalary engizilýde. Osy maqsatta, Esenov ýnıversıtetinde 2018 jyly Kásipkerlikti qoldaý jáne damytý ortalyǵy qurylyp, kásipkerlik mádenıetti qalyptastyrý jolynda kóptegen sharalar ótkizip, jastardy biriktire bastady. Kásipkerlik ortalyǵy 2019 jyly naýryz aıynda jastar qajettiligine sáıkes zamanaýı qural-jabdyqtarmen, tehnıkamen jabdyqtalǵan kovorkıng retinde qaıta jasaqtalyp, «Kaspıı kásipkerlik ortalyǵy» ataýy berilip saltanatty túrde ashyldy. Bul ataýdyń berilý sebebi, ortalyq tek ýnıversıtet jastarymen shektelmeı, Kaspıı óńiri elderiniń jastaryna kásipkerlik bilim berý baǵytynda qoldaý kórsetý.
Ortalyqtyń maqsaty - kásipkerlik bilim berý baǵytynda Kaspıı óńiri jastarynyń, jańa bastaýshy kásipkerlerdiń jáne oqytýshylar quramy arasynda ınnovasııalyq jáne kásipkerlik áleýetti arttyrý, daǵdylar qalyptastyrý, startap ıdeıalardy tabysty bızneske aınaldyrý. Bul ortalyqta ýnıversıtetke oqýǵa kelgen stýdent óz mamandyǵy boıynsha bilim alyp qoımaı, óz bıznesin damytýyna múmkindik bar.
Osy ýaqyt aralyǵynda ortalyqta kóptegen sharalar uıymdastyrylyp, biraz ctartap joba qoldaý taýyp úlgerdi. Atap aıtatyn bolsaq, ortalyq ashylǵan alǵashqy jyldary QR BǴM men Bolashaq assosıasııasynyń uıymdastyrýymen ótken «Startup Bolashaq-Menin Armanym» respýblıkalyq mega baıqaýynda Mańǵystaý óńiri boıynsha barlyq mektep, kolledj stýdentterine semınarlar, trenıngter ótkizilip nátıjesinde 250 den asa joba qatysýǵa ótinim berdi. Bul qatysýshylardyń barlyǵynyń kásibı daǵdylaryn qalyptasyrtýda ortalyq qyzmetkerleri jergilikti kásipkerlermen birge mentorlyq jumys atqardy, 5 kezeńnen turatyn ulttyq baıqaýda Mańǵystaýlyq 5 joba Nur-Sultan qalasynda ótken fınalda baqtaryn synady. Sonymen qatar, Mańǵystaý obylysy qatysýshylaryna qoldaý kórsetken mentor, jergilikti kásipker, Saryev Baýyrjan «Eń úzdik mentor» nomınasııasyn ıelendi.
Kásipkerlik ortalyǵy Mańǵystaý oblystyq «Atameken» ulttyq kásipkerler palatasymen birlesip jumys jasaýda, osy ýaqytqa deıin ortalyqta 100 asa stýdent, 50 asa ýnıversıtet oqytýshylary «Atameken» UKP bıznes trenerleriniń ár túrli oqý kýrstarymen trenıngterine qatysyp, biliktiligin kóterdi.
Sonymen qatar, Kásipkerlik ortalyǵynda jyl saıyn elimizdiń mektep oqýshylary men kolledj stýdentterine «Jas kasipker» baıqaýyn dástúrli túrde uıymdastyryp keledi, maqsat – barlyq óńirden startap jobalary bar, kreatıvti, jańashyl oqýshylar men stýdentterdi iriktep, ýnıversıtette bilim alýǵa jeńildikter berý. Qazirde osy baıqaý nátıjesinde úzdik bolǵan 30-dan asa stýdent ýnıversıtette 100%, 75%, 50% paıyzdyq jeńildiktermen oqýyn jalǵastyrýda.
Qazirgi tańda ortalyqta úzdik nátıjelerge qol jetkizgen, óz jobalaryn júzege asyrǵan sátti jobalarǵa toqtalsaq, Esenov ýnıversıtetiniń túlegi - Qalıev Qazbektiń jobasy - 4D Galaktıka. Bul balalar men jasóspirimderge arnalǵan AR qyzmeti bar qosymsha jasaý arqyly bilim salasyn qyzyqty ári tıimdi etip damytý. Bul ónim arqyly oqýshylardyń bilimge degen talpynysy, qyzyǵýshylyǵy artady sol úshin bul ónim bilim salasy úshin óte mańyzdy, Joba naryqta jumys jasaýda. Bul jobanyń jetistikteri, «Jastar sınergııasy» respýblıkalyq baıqaýynyń jeńimpazy, «Mediana» kompanııasynyń uıymdastyrýymen ótken RIFMO-2019 halyqaralyq IT forýmy aıasynda ótken startap jobalar baıqaýynyń 3 oryn ıegeri. 2020 jyly joba avtorlyq quqyq ıelendi.
Sonymen qatar, múmkindigi shekteýli jandardyń máselelerin azaıtý, paıdaly ónim óndirip, satý maqsatynda jasalǵan «Aqyldy taıaqsha» jobasy, avtorlary – Esenov ýnıversıteti Injınırıng fakýlteti stýdentteri Muhanbetov Bekberdi, Qýanova Aınýr. Bul jobada birneshe jetistikterge jetip úlgerdi, atap aıtsaq, 2018 jyly ótken TOM-Aktau: Makeathon halyqaralyq áleýmettik jobalar baıqaýynyń jeńimpazdary, 2019 jyly qazan aıynda ótken «KazEnergy» ınnovasııalyq jobalar baıqaýynyń jeńimpazdary, 2020 jyly joba avtorlary paıdaly modelge patent ıelendi.
Injınırıng fakýlteti stýdenti - Ulyqpanov Nurahmet sý tazalaıtyn qurylǵy qurastyryp, «Bıznestiń jol kartasy 2020» baǵdarlamasy aıasynda 3 mln teńge qarjylandyrý alyp, qazirde bıznesin júrgizip otyr.
Adam densaýlyǵyna paıdaly jemisterden erekshe resepter boıynsha chıpster daıyndap, halyq arasynda salaýatty ómir saltyn qalyptastyrý maqsatynda Fruit chirs jobasymen «Bıznes jáne quqyq» fakýltetiniń stýdenti – Aıtbaeva Aılara «RIFMO 2019» forýmy aıasynda ótken startap jobalar baıqaýnyń 2 oryn jeńimpazy atanyp, 300 000 tenge qarjy ıelendi.
Sonymen qatar, birneshe áleýmettik jobalarda «Jastar jetistikteri» qoǵamdyq qorynyń uıymdastyrýymen ótken baıqaýlarda «Tengızshevroıl» kompanııasynyń qarjylyq qoldaýyn jeńip, qoǵamǵa paıdaly, qaıyrymdylyq sharalar uıymdastyrdy.
- Kaspıı kásipkerlik ortalyǵy 2020 jyly Halyqaralyq Triple E Awards Entrepreneurship and Engagement Excellence Awards (joǵary bilim berý salasyndaǵy Kásipkerlik jáne úzdik jetistikter) marapatyna qatysyp, Azııa-Tynyq muhıty aımaǵyndaǵy 30dan asa eldiń 200-den astam JOO qatysqan baıqaýda «Jyldyń ınnovasııalyq jáne yntymaqtastyq keńistigi» nomınasııasy boıynsha úzdik 5 fınalısteriniń qataryna endi, Triple E Awards Marapaty barlyǵy 12 nomınasııa boıynsha ótti. Atalmysh marapatty shtab-páteri Amsterdamda (Nıderlandy) ornalasqan Ýnıversıtettegi Kásipkerlikti jáne biregeılikti akkredıtteý jónindegi Keńes (ACEEU) uıymdastyrdy, Keńes (ACEEU) kásipkerliktiń sapasyn jáne onyń joǵary bilimge qatysýyn qamtamasyz etetin álemdegi jetekshi uıym bolyp tabylady.
Triple E Awards Marapaty – ýnıversıtettiń joǵary bilim salasynda Kásipkerlikti zertteýdegi kúsh-jigerin álemdik moıyndaýy. Bul ýnıversıtet mıssııasynyń ártúrli aspektilerine arnalǵan alǵashqy marapat bolyp tabylady. Triple E Awards marapaty ýnıversıtetterdegi ózgeristerge qoldaý kórsetýge jáne olardyń qoǵamdastyqtar men ekojúıelerdegi rólin atap ótýge baǵyttalǵan. Qazirgi tańda ortalyq jastarǵa kásipkerlik oılaý júıesin, mádenıettin qalyptastyrýda jańa tyń jobalar uıymdastyrýda, deıdi Ortalyq jetekshisi Gúljazıra Naǵymetqyzy Qosmaǵanbetova.
