- Qoǵamda, BAQ-ta jáne áleýmettik jelilerde Shymkent qalalyq dene shynyqtyrý jáne sport basqarmasynyń basshysy Oleg Pochıvalovtyń qos azamattyǵy týraly másele kóterilip, uzaq ýaqyt talqylandy. Ol boıynsha naqty resmı aqparat der kezinde berilmeýiniń sebebi quqyqtyq prosesterdiń júrgizilýine baılanysty ekenin bildiremin, dedi ol.
Baspasóz hatshysynyń aıtýynsha, Shymkent qalasy polısııa departamentiniń 2021 jylǵy 20 qańtardaǵy №5 qorytyndysy negizinde Shymkent qalasynyń dene shynyqtyrý jáne sport basqarmasynyń basshysy O.Pochıvalov Qazaqstan Respýblıkasynyń azamattyǵynan aıyrylǵany týraly habarlaǵan.
Alaıda Shymkent qalasynyń Ál-Farabı aýdandyq sotynyń 9 aqpandaǵy №5211-21-00-2/213 uıǵarymymen Shymkent qalasynyń polısııa departamentiniń 2021 jylǵy 20 qańtardaǵy №5 qorytyndysy men habarlamasynyń kúshi toqtatylǵan.
- Osy rette «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasy Zańynyń 1 babynyń 1 tarmaǵyna sáıkes, Qazaqstan Respýblıkasynda sot bıligi turaqty sýdıalar, sondaı-aq zańda kózdelgen jaǵdaılarda jáne tártippen qylmystyq sot isin júrgizýge tartylǵan alqa zasedatelderi arqyly sottarǵa ǵana tıesili, - deıdi Beken Qonys.
Qazaqstan Respýblıkasynda sot tóreligin tek sot qana júzege asyratynyn, sottyń erekshe ókilettigin basqa organdarǵa berýdi kózdeıtin zań aktilerin shyǵarýǵa tyıym salady. Eshqandaı ózge organdar men tulǵalardyń sýdıa ókilettigin nemese sot bıligi fýnksııalaryn ıelenýge quqyǵy joq. Sot isin qaraý tártibimen qaralýǵa tıis ótinishterdi, aryzdar men shaǵymdardy basqa eshqandaı organnyń, laýazymdy nemese ózge de adamdardyń qaraýyna nemese baqylaýǵa alýyna bolmaıdy. Baspasóz hatshysy osy atalǵan zańdylyqtardy alǵa tartty.
- Joǵaryda baıandalǵandar negizinde, Shymkent qalasynyń dene shynyqtyrý jáne sport basqarmasynyń basshysy O.Pochıvalovty búgingi kúni jumystan shyǵarýǵa Shymkent qalasynyń polısııa departamentiniń 2021 jylǵy 20 qańtardaǵy №5 qorytyndysy men habarlamasy negizinde múmkindik joq ekenin habarlaımyz, dedi Beken Qonys.
