Maqtaaral aýdanynyń tártip saqshylary «Atameken» keden beketi arqyly esirtkini zańsyz alyp ótpek bolǵan Reseı Federasııasynyń azamatyn quryqtaǵan. О́zbekstan Respýblıkasynan óziniń «DAF» markaly kóligimen kele jatqan er adam Qazaqstan shekarasy arqyly aınalystan alynǵan zatty alyp ótpekshi bolǵan.
Naqtyraq aıtsaq, «Magıstr» atty ıt belgi berip, tártip saqshylary atalǵan azamatty tekserý barysynda onyń shulyǵynan esirtkige uqsas zat tabylǵan.
Saraptamaǵa sáıkes alynǵan zattyń jalpy salmaǵy eki gramǵa jýyq gashısh ekendigi belgili bolǵan. Atalǵan jaıt QR QK-niń 286-baby (Aınalystan alyp qoıylǵan zattardyń nemese aınalysy shektelgen zattardyń kontrabandasy) jáne 296-baby (Esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) boıynsha tirkelip, sotqa deıingi tergep-tekserýdiń biryńǵaı tizilimine engizildi. Kúdikti qamaýda.
Qazirgi ýaqytta esirtki zatyn saqtaý men shekaradan jasyryn ótkizý boıynsha jınaqtalǵan materıaldar sheshim qabyldaný úshin sotqa joldandy. Túrkistan oblysynyń polıseıleri aınalystan alynyp tastalǵan zattardy qoldaný, saqtaý, ótkizý, tasymaldaýdyń sońy qylmystyq jaýapkershilikke alyp keletinin eskertedi.
