Bavarııada baq synaımyz

Dýaly aýyz mamandardyń bul pikirine esh kúmán keltirmeımiz. Sebebi sońǵy úsh álem chempıonatynda bas júldelerdiń denin dál sol memlekettiń ókilderi oljalaýda. Máselen, 2015 jyly Shvesııanyń Falýn qalasynda ótken jarysta sarapqa salynǵan 21 altynnyń 11-in Norvegııa qu­ramasy ıelense, beseýin Ger­manııa enshiledi. Al jarys qoja­ıyndary qos altyndy oljalady. 2017 jyly Fınlıandııanyń Lahtı qalasynda Skandınavııa túbeginiń túlekteri jeti, nemister alty márte jeńis tuǵyrynyń eń bıik satysyna kóterildi. Reseı men Aýstrııanyń shańǵyshylary eki retten dál sondaı qurmetke bólendi.

2019 jylǵy álemdik doda Aýstrııa­nyń Zefeld qalasynda uıymdastyryldy. Alpysqa jýyq eldiń ókilderi qatysqan baıraqty básekede tek 12 komandaǵa júlde buıyrdy. Solardyń arasynda norvegııalyqtardyń shoqtyǵy bıik boldy. Olar 25 júlde (13 altyn+5 kúmis+7 qola) jeńip aldy. Qorjynynda 9 medali (6+3+0) bar Germanııa quramasy ekinshi orynǵa jaıǵasty. Úshinshi orynda – Shvesııa. Shvedter 5 júldeni (2+2+1) qanjyǵalaryna baılady. Sondaı-aq osy jarysta Polshanyń (1+1+0) ánurany bir márte shyrqalsa, júlde alǵandar qatarynda Reseı (0+5+3), Aýstrııa (0+4+5), Italııa (0+1+1), Slovenııa (0+1+0), Japonııa (0+0+2), Fınlıandııa (0+0+1), Fransııa (0+0+1) jáne Shveısarııanyń (0+0+1) sportshylary bar.

Jalpy, shańǵy jarysynan álem chempıonaty 1925 jyldan beri uıymdastyrylyp keledi. Sol kezden beri 52 márte jalaýy jelbiregen aıtýly jarys­ta nebári 22 memlekettiń sa­ıypqyrandaryna ǵana jeńis tu­ǵyrynan qol bulǵaý baqyty bu­ıyrdy. Bir qýantarlyq jaıt, solardyń qatarynda Qazaq­stan­nyń órenderi de bar. Jer-ja­hannyń ár qıyrynan jınalǵan dúbirli dodada bizdiń jigitter 3 altyn, 2 kúmis jáne 4 qola medaldi ıelendi. Barlyǵy – 9 júlde. Osy tabysymyzdyń arqasynda jarys kestesinde 15-orynǵa jaıǵastyq. Otandastarymyzdyń aldyn tek Norvegııa (127+98+100), Fınlıandııa (62+69+64), Reseı (60+55+52), Shvesııa (44+44+43), Germanııa (37+51+35), Aýstrııa (22+21+25), Italııa (10+20+23), Chehııa (10+18+17), Japonııa (10+10+10), Polsha (8+6+10), AQSh (7+3+4), Fransııa (6+4+10), Shveısarııa (4+5+7) jáne Estonııa (3+5+2) syndy shańǵy sportynda myqty mek­tebi qalyptasyp, jeńispen óril­gen dástúri bar sanaýly ǵana mem­leketterdiń ókilderi oraı aldy.

Qazaqstannyń shańǵy spor­tynyń dańqyn sharyqtatyp, me­reıin ústem etkender arasy­nan aldymen Vladımır Smır­novtyń esimi atalady. Ol táýelsiz elimizge álem chempıonatynyń baqandaı 9 júl­desin syıǵa tartty. Tarqatyp aıtsaq, 1995 jyly Kanadanyń Bander-Beı qalasynda ótken jarysta Aqmola oblysynyń týmasy 10, 15 jáne 30 shaqy­ry­mdyq saıysta aldyna jan sal­masa, 50 shaqyrymdyq báse­kede qola medaldi moınyna ildi. 1993 jyly Shvesııanyń Fa­lýn qalasynda Smırnov 2 kú­mis pen 1 qolany enshiledi. Sol básekelerde áıgili otandasy­myz norvegııalyq Born Delı, fınlıandııalyq Mıka Mıýl­lıý­lıa men Iаrı Isometsıa, reseı­lik Alekseı Prokýrorov, ıtalııa­lyq Sılvıo Faýner jáne taǵy basqa ataqtary alysqa ta­ra­ǵan sańlaqtardan ozǵanyn jan­kúıerler osy kúnge deıin aýyzdarynan sýlary quryp, tamsana áńgimeleıdi.

2013 jyly Italııanyń Val-dı-Femme qalasynda ót­ken álemdik dodanyń 50 shaqy­rymdyq saıysynda Kendi Altaı ólkesiniń týmasy Alekseı Pol­toranın qola medaldi ıele­nip, kórermenderdiń ystyq yqy­lasyna bólendi. Dál sol Pol­toranın óziniń áriptesi Nıkolaı Chebotkomen birge komandalyq sprıntte de úshinshi orynǵa ta­ban tiredi. О́kinishke qaraı, aqmo­lalyq sportshynyń ómiri kel­te boldy. Osydan bir aıǵa jýyq ýaqyt buryn Nıkolaı Bý­rabaı men Shýchınsk tas jolynda apatqa ushyrap, jaryq dúnıemen qosh aıtysty. Ol nebári 38 jas­ta edi...

Árıne, Qazaqstan shańǵy­shy­la­rynyń tuǵyry budan da bıik bolýǵa tıis edi. Biraq biz­diń el kezinde Keńes Odaǵy qura­mynda bolǵandyqtan keıbir jer­lesterimizdiń jeńisi alyp ım­perııanyń enshisine jazyldy. Máselen, joǵaryda biz atap ótken Vladımır Smırnovtyń ózi álem chempıonatynyń 1 altyn, 2 kúmis jáne 1 qolasyn KSRO qurama komandasynyń qor­jy­nyna saldy. Odan bólek, 1974 jyly Falýnde qostanaılyq Ivan Garanın (qola) men 1987 jyly Oberstdorfta aqmolalyq Vladımır Sahnovtyń (kúmis) jeńis tuǵyryna kóterilgeni kózi qaraqty jankúıerlerdiń jadynda.

Qazaqstandyq shańǵyshy­lar sońǵy ret 2013 jyly Apen­nın tú­beginde ótken álem chempıo­na­­tynda júldeli oryndardy ıelendi. Sodan beri segiz jyl zý­lap ótti. О́kinishke qa­raı, 2015 jyly Falýnda, 2017 jy­ly Lahtıde jáne 2019 jy­ly Ze­felde ótken baıraqty báse­ke­lerden qorjynymyz bos qaı­tty. Endi nemis jerinde jala­ýy jelbireıtin jarysta jerles­terimiz sol olqylyqtyń ornyn toltyrady dep úmit­tenemiz.