«Elbasy Nursultan Ábishuly Nazarbaev: «Árbir halyq, árbir táýelsiz memleket óziniń rýhanı ortalyǵyn naqtylap alýy kerek. Qazaqstannyń rýhanı ortalyǵy – Túrkistan. Ol – Qazaq eliniń rýhanı júregi» - dep atap kórsetkendeı, barshańyzdy oblysymyz ben Túrkistan qalasyn qaıta túletip, damýy úshin óz úlesterińizdi qosýǵa shaqyramyn», dedi oblys ákimi. Sondaı - aq, О́mirzaq Shókeev eseptik jıynynda týrızm salasyn damytý baǵytynda qolǵa alynatyn josparlarmen bólisti. Bıyl týrıster aǵyny men kelýshiler sany 2 mıllıon adamǵa deıin artatynyn aıtty. Túrkistan – Shymkent – Tashkent arasynda joǵary jyldamdyqty temirjol jobalary júzege asatynyn jetkizdi. Týrızmdi halyqaralyq deńgeıde damytý maqsatynda О́zbekstan men Qazaqstan óńiraralyq yntymaqtastyǵynyń forýmy aıasynda Úkimet basshylarynyń qatysýymen Tashkent, Samarqand, Buhara oblystary men Túrkistan oblysy quramdastyrylǵan týrlardy ázirleý jáne olardy álemdik naryqtarda ilgeriletý boıynsha tórt jaqty kelisimge qol qoıylǵan. Q.A.Iаsaýı kesenesiniń aınalasynda ashyq aspan astyndaǵy murajaı, amfıteatr jáne mádenı demalys oryndary qyzmet kórsetýde. Elimizdegi týrızm salasyndaǵy kadrlardyń qajettiligi jáne qalada kórsetiletin qyzmetterdiń sapasyn arttyrý eskerile otyryp, Túrkistanda Halyqaralyq týrızm jáne qonaqjaılylyq ýnıversıteti ashyldy.
«Oblysymyz tarıhı jáne mádenı nysandarǵa baı ólke. О́z kezeginde óńirde Túrkistan, Kentaý qalalary men Otyrar, Ordabasy, Báıdibek aýdandary baǵytynda tarıhı-tanymdyq týrızmi, Saryaǵash kýrorty aýmaǵynda emdik-saýyqtyrý týrızmi, Túlkibas, Tólebı, Qazyǵurt aýdandarynda ekologııalyq týrızm túrleri qarqyndy damyp keledi. Sonyń biri retinde týrızmdi damytýdaǵy alar orny erekshe «Qasqasý týrıstik-rekreasııalyq kesheni» jobasy iske asyrylýda», dedi О́mirzaq Shókeev.
Qazirgi ýaqytta Túrkistan qalasynyń tarıhı ortalyǵynyń aýmaǵynda jeke ınvestısııalar esebinen respýblıkada teńdesi joq kópfýnksıonaldy «Kerýen Saraı» týrıstik kesheniniń qurylysy júrgizilýde. Investısııa kólemi – 88 mlrd teńge. Shyǵys úlgisinde salynǵan biregeı keshende qolónershileri bar jabyq bazarlar, shyǵys bazary, saýda ortalyqtary, gandola qaıyqtarynyń júzýine arnalǵan sý arnalary, oıyn-saýyq ortalyǵy, sondaı-aq halyqaralyq deńgeıdegi qonaqúıler jumys isteıtin bolady.
