Tájirıbe kórsetkenindeı keıbir turǵyndar qarýǵa arnalǵan seıfterde bógde zattardy saqtaıdy. Bul tártip buzýshylyq. Qarýǵa qatysty qujattardyń ózi bólek saqtalýy kerek. Taǵy bir qaýipti buzýshylyq – jumys istemeıtin sıgnalızasııa.
Ǵ.Músirepov atyndaǵy aýdannyń turǵyny atasynan qalǵan 16 kalıbrli eki uńǵyly myltyqty saqtaǵan. Polıseıler qarý ıesi qaıtys bolǵan jaǵdaıda bir aıdyń ishinde qarýdy aýmaqtyq polısııa bólimine saqtaýǵa tapsyrý qajettigi týraly eskertedi, keıin qarýdy óz atyna resimdeý nemese satyp jiberý týraly sheshimdi qabyldaý qajet. Qarýdy tirkeý boıynsha shara qabyldamaǵan er adamǵa qatysty QR Ákimshilik quqyq buzýshylyq týraly kodeksiniń 482-baby «Jeke jáne zańdy tulǵalardyń qarýdy zańsyz ıelenip alýy, berýi, ótkizýi, saqtaýy, alyp júrýi, tasymaldaýy» boıynsha materıal jınastyryldy.
«Jalpy zańsyz saqtaýdaǵy 7 birlik qarý alyndy. 2,5 myńnan astam qarý ıesi tekserildi, onyń 60-sy saqtaý erejelerin, 17-si tirkeý jáne qaıta tirkeý erejelerin buzǵany úshin jaýapqa tartyldy», - dedi SQO PD Ákimshilik polısııa basqarmasynyń asa mańyzdy tapsyrmalar jónindegi aǵa ınspektory, polısııa maıory Qurman Mýsın.
Soltústik Qazaqstan oblysy
