Oblystyq polısııa departamenti baspasóz qyzmetiniń málimetinshe, ýchaskelik polısııa ınspektorlary Jaıyq ózeninde boıynda reıd júrgizgen. Maqsat – Jaıyq ózenindegi muz ústine shyǵýdyń qaýpin túsindirý.
«Alkogoldik ishimdik iship, muz ústinde júretin azamattar men balyq aýlaýshylardyń qaýipsizdigi qatty alańdatady. О́ıtkeni, ishimdik ishken adamdar óz qımylyn qadaǵalaı almaı qalady. Mas adam muzdyń oıylýynan sýǵa túsip ketip, qaza bolýy múmkin. Reıd kezinde alkogoldik ishimdik iship, mas kúıde júrgen 7 azamat ustaldy» deıdi №1 Atyraý qalalyq polısııa bólimi jergilikti polısııa bólimshesiniń bastyǵy, polısııa kapıtany Nurlybek Kenjeǵulov.
Onyń aıtýynsha, ustalǵandarǵa qatysty QR Ákimshilik quqyqbuzýshylyq týraly Kodeksiniń 440-babymen (Alkogoldik ishimdikterdi ishý nemese qoǵamdyq oryndarǵa masań kúıde kelý) ákimshilik hattamalar toltyrylyp, árqaısysyna 7392 teńge kóleminde aıyppul salyndy.
